ধনতেৰছৰ দিনা কিছুমান বস্তু কিনাটো শুভ বুলি গণ্য কৰা হয়। জ্যোতিষশাস্ত্ৰৰ মতে ৰাশিৰ ভিত্তিত বস্তু কিনিলে ই অতি উপকাৰী বুলি প্ৰমাণিত হয়। আজি ২২ অক্টোবৰ আৰু কাইলৈ ​​২৩ অক্টোবৰ দুয়োটা দিনতে ধনতেৰছ উৎসৱ পালন কৰা হৈছে। এনে অৱস্থাত যদি কোনো ব্যক্তিয়ে নিজৰ ৰাশি

Listen to Article

2 min read

80%

ডিজিটেল ডেস্কঃ ধনতেৰছৰ দিনা কিছুমান বস্তু কিনাটো শুভ বুলি গণ্য কৰা হয়। জ্যোতিষশাস্ত্ৰৰ মতে ৰাশিৰ ভিত্তিত বস্তু কিনিলে ই অতি উপকাৰী বুলি প্ৰমাণিত হয়। আজি ২২ অক্টোবৰ আৰু কাইলৈ ২৩ অক্টোবৰ দুয়োটা দিনতে ধনতেৰছ উৎসৱ পালন কৰা হৈছে। এনে অৱস্থাত যদি কোনো ব্যক্তিয়ে নিজৰ ৰাশি অনুযায়ী বস্তু কিনে তেন্তে সেয়া অতি শুভ হ’ব। ইয়াৰ দ্বাৰা ব্যক্তিজনে দুৰ্ভাগ্যৰ পৰা মুক্তি পায়, জীৱনলৈ আহে সৌভাগ্য।

মেষ ৰাশি, বৃষ ৰাশি আৰু মিথুন ৰাশিঃ মেষ ৰাশিৰ মানুহে ৰূপ, তামৰ বাচন-বৰ্তন আৰু ইলেক্ট্ৰনিক সামগ্ৰী আদি কিনিব পাৰে। বৃষ ৰাশিৰ লোকসকলে ৰূপ আৰু ব্ৰঞ্জৰ বাচন-বৰ্তনৰ লগতে কাপোৰ-কানি, শৃংগাৰৰ সামগ্ৰী আৰু কলহ আদি ক্ৰয় কৰক। মিথুন ৰাশি জাতক জাতিকাসকলে আজিৰ দিনটোত সোণৰ অলংকাৰ, ষ্টীলৰ বাচন-বৰ্তন, সেউজীয়া ৰঙৰ ঘৰুৱা সামগ্ৰী, পৰ্দা আদি কিনিব পাৰে।

কৰ্কট ৰাশি, সিংহ ৰাশি, কন্যা ৰাশিঃ আজিৰ দিনটোত কৰ্কট ৰাশিৰ লোকে ৰূপালী গহনা বা পায়েল, বাচন-বৰ্তন, ঘৰুৱা ইলেক্ট্ৰনিক সামগ্ৰী কিনিব লাগে। সিংহ ৰাশিৰ জাতক-জাতিকাসকলে আজিৰ দিনটোত তামৰ বাচন-বৰ্তন বা কলহ, কাপোৰ-কানি, সোণ আদি কিনিব পাৰে। কন্যা ৰাশিৰ লোকসকলে বজাৰৰ পৰা গণেশৰ মূৰ্তি, সোণ বা ৰূপৰ অলংকাৰ, কলহ আদি আনিব লাগে।

তুলা ৰাশি, বৃশ্চিক, ধনু ৰাশিঃ ধনতেৰছৰ দিনা তুলা ৰাশিৰ লোকে কাপোৰ, সৌন্দৰ্য সামগ্ৰী বা সজ্জা সামগ্ৰী, ৰূপ বা ষ্টীলৰ বাচন-বৰ্তন কিনিব লাগে। একে সময়তে বৃশ্চিক ৰাশিৰ লোকসকলে ইলেক্ট্ৰনিক সঁজুলি, সোণৰ গহনা, বাচন-বৰ্তন, তাম বা মাটিৰ পাত্ৰ আৰু ধনু ৰাশিৰ সোণৰ অলংকাৰ, তাম বা ষ্টীলৰ বাচন-বৰ্তন কিনিব পাৰে।

মকৰ ৰাশি, কুম্ভ ৰাশি, মীন ৰাশিঃ ধনতেৰছৰত মকৰ ৰাশি জাতক জাতিকাসকলে কাপোৰ, বাহন, ৰূপৰ বাচন-বৰ্তন বা গহনা আদি কিনিব পাৰে। কুম্ভ ৰাশিৰ লোকসকলে সৌন্দৰ্য্য সামগ্ৰী, সোণ, তামৰ পাত্ৰ, জোতা আৰু চপ্পল কিনিব লাগে আৰু মীন ৰাশিৰ লোকসকলে সোণৰ গহনা, ৰূপ বা পিতলৰ বাচন-বৰ্তন, ইলেক্ট্ৰনিক সঁজুলি কিনিব লাগে।