ধনতেৰছত নিশ্চিতভাৱে এই ৫টা স্থানত জ্বলাওক চাকি, এই চাকিৰ পোহৰে মুকলি কৰিব আপোনাৰ ভাগ্যৰ দুৱাৰৰ লগতে লাভ কৰিব অপাৰ সফলতা

ডিজিটেল ডেস্ক : দীপাৱলী উৎসৱৰ আৰম্ভণি ধনতেৰছ বুলি গণ্য কৰা হয়। এইবাৰ ধনতেৰছত এক দুৰ্লভ মহাসংযোগৰ সৃষ্টি হৈছে। এইবাৰ ধনতেৰছ ২৩ আৰু ২৪ অক্টোবৰত দুদিনীয়াকৈ পালন কৰা হ’ব। অৱশ্যে ২৩ অক্টোবৰতহে ইয়াৰ মূল পূজা কৰা হ’ব। এই দিনটোত সোণ-ৰূপ, বাচন-বৰ্তন, বাহন ক্ৰয় কৰাটো অত্যন্ত শুভ বুলি গণ্য কৰা হয়। ধনতেৰছৰ দিনা নিশ্চিতভাৱে কোন ৫টা স্থানত চাকি জ্বলালে ভাগ্য দুৱাৰ মুকলি হয় জানো আহক।

 তুলসীৰ তলত-

তুলসী গছত মালক্ষ্মী বাস কৰে বুলি বিশ্বাস কৰা হয়। সেয়ে ধনতেৰছৰ দিনা তুলসী গছত চাকি প্ৰজ্বলিত কৰিব লাগে। ইয়াৰ ফলত মালক্ষ্মীৰ আশীৰ্বাদ লাভ কৰাৰ লগতে সুখ-সমৃদ্ধি বৃদ্ধি হয়।

 মূল দুৱাৰত সন্মুখত-

ঘৰৰ মূল দুৱাৰৰ পৰা সকলো ভাল-বেয়া শক্তি প্ৰৱাহিত হয়। সেয়েহে মূল দুৱাৰৰ সন্মুখত চাকি জ্বলাব লাগে। ইয়াৰ ফলত ইতিবাচক শক্তিবোৰ শক্তিশালী হয় আৰু পৰিয়ালৰ সদস্যসকলৰ মাজত মিলা-প্ৰীতি অটুট থাকে।

 পূজাস্থলীত-

ধনতেৰছৰ দিনা ঘৰৰ পূজাস্থলীত চাকি জ্বলাবলৈ নাপাহৰিব। এই স্থানত চাকি জ্বলালে দেৱতাসকলে সন্তুষ্ট হৈ আশীৰ্বাদ প্ৰদান কৰে।

 আঁহত গছৰ তলত-

আঁহত গছৰ তলত মালক্ষ্মীৰ লগতে বহু দেৱতাই বাস কৰে। সেই বাবেই ভাৰতীয় সংস্কৃতিত আঁহত গছক শুভ মনা হয়। ধনতেৰছৰ দিনা আঁহত গছৰ তলত এটা মাটি চাকি জ্বলালে জীৱনত সফলতা লাভ কৰিব।

 ঘৰৰ চোতালত-

ধনতেৰছৰ দিনা ঘৰৰ চোতালত চাকি জ্বলোৱাটো শুভ বুলি গণ্য কৰা হয়। ইয়াৰ কাৰণ হ’ল সকলো ঐশ্বৰিক শক্তি আগমন ঘটে, চোতালত চাকি জ্বলালে সন্তুষ্ট হৈ আৰ্শীবাদ প্ৰদান কৰে।