ধনতেৰছত কিয় প্ৰচলিত সামগ্ৰী ক্ৰয়ৰ পৰম্পৰা? ইয়াৰ আঁৰৰ কাহিনী কি, জানো আহক

ডিজিটেল ডেস্ক : হিন্দুধৰ্মত ধনতেৰছক অতি পৱিত্ৰ বুলি গণ্য কৰা হয়। এই ধনতেৰছতে সামগ্ৰী ক্ৰয়ৰ পৰম্পৰাও আছে। এই সময়ছোৱাত সোণ-ৰূপৰ লগতে ঝাড়ু ক্ৰয় কৰাটো অত্যন্ত শুভ মনা হয়। বিশ্বাস কৰা হয় যে এই দিনটোত ক্ৰয় কৰা সামগ্ৰী ১৩ গুণ বৃদ্ধি পায় আৰু মালক্ষ্মী সন্তুষ্ট হৈ আশীৰ্বাদ প্ৰদান কৰে।

 স্মৰ্তব্য যে সাগৰ মন্থনৰ পৰা ভগৱান ধনৱন্তৰী আৱিৰ্ভাৱ হৈছিল। কাৰ্তিক মাহৰ কৃষ্ণ পক্ষৰ ত্ৰয়োদশী তিথিৰ দিনা ধনতেৰছ পালন কৰা হয়। দৰাচলতে এই দিনটোত সাগৰ মন্থনৰ পৰা মলক্ষ্মীৰ দৰে ভগৱান ধনৱন্তীৰ জন্ম হৈছিল, সেয়েহে এই দিনটো ভগৱান ধনৱন্তীৰ জন্মদিন হিচাপে পালন কৰা হয়।

 জনবিশ্বাস কৰা হয় যে ভগৱান ধনৱন্তৰীয়ে হাতত এটা অমৃতৰ কলহ লৈ আৱিৰ্ভাৱ হৈছিল, সেয়েহে এই দিনটোত সামগ্ৰী ক্ৰয় এটা পৰম্পৰা প্ৰাচীন কালৰ পৰা চলি আহিছে। ধনতেৰছৰ দিনা ধাতু ক্ৰয় কৰাটো উত্তম বুলি বিবেচিত হয়।

 এই দিনটোত ৰূপ ক্ৰয় কৰাটো অতি শুভ। যদি ৰূপ কিনিব নোৱাৰে তেন্তে তাৰ পৰিৱৰ্তে এই দিনটোত পিতল, ব্ৰঞ্জ, সোণো কিনিব পাৰে। কিন্তু আজিৰ দিনটোত তীখাৰ বাচন-বৰ্তন আৰু লোহা কিনিব নালাগে।