ডিজিটেল ডেস্কঃ আই পি এল ২০২৩ৰ খিতাপ দখল কৰে মহেন্দ্ৰ সিং ধোনীৰ অধিনায়কত্বত চেন্নাই ছুপাৰ কিংছে। চূড়ান্ত খেলখনত চেন্নাই ছুপাৰ কিংছে গুজৰাট টাইটানছক পৰাস্ত কৰে। এইদৰে মহেন্দ্ৰ সিং ধোনীৰ দলটোৱে পঞ্চমবাৰৰ বাবে আই পি এলৰ ট্ৰফী লাভ কৰে। সেই উপলক্ষে মহেন্দ্ৰ সিং ধোনীৰ অধিনায়কত্বত চেন্নাই ছুপাৰ কিংছৰ সন্মানত ২ জুনত সম্বৰ্ধনা অনুষ্ঠানৰ আয়োজন কৰা হৈছে। একে সময়তে তামিলনাডুৰ মুখ্যমন্ত্ৰী এম কে ষ্টেলিনে এই চেন্নাই ছুপাৰ কিংছৰ সম্বৰ্ধনা অনুষ্ঠানত অংশগ্ৰহণ কৰিব বুলি খৱৰ আহি পৰিছে।
অৱশ্যে এতিয়ালৈকে এনে কোনো তথ্য আনুষ্ঠানিকভাৱে প্ৰকাশ কৰা হোৱা নাই। ইয়াৰ পূৰ্বে সোমবাৰে নিশা মহেন্দ্ৰ সিং ধোনীৰ অধিনায়কত্বত চেন্নাই ছুপাৰ কিংছে পঞ্চমবাৰৰ বাবে আই পি এলৰ ট্ৰফী দখল কৰে। ইয়াৰ পূৰ্বে এই দলটোৱে আই পি এল ২০১০, আই পি এল ২০১১, আই পি এল ২০১৮ আৰু আই পি এল ২০২১ খিতাপ দখল কৰিছে।
তাৎপৰ্যপূৰ্ণভাৱে চেন্নাই ছুপাৰ কিংছে আই পি এল ২০২৩ ছিজনৰ খিতাপো দখল কৰিছে। এইদৰে চেন্নাই ছুপাৰ কিংছে পঞ্চমবাৰৰ বাবে আই পি এল খিতাপ দখল কৰিবলৈ সক্ষম হয়। এতিয়া চেন্নাই ছুপাৰ কিংছ আৰু মুম্বাই ইণ্ডিয়ানছে যৌথভাৱে আই পি এলত সৰ্বাধিক জয়ী হোৱা দলত পৰিণত হৈছে। চেন্নাই ছুপাৰ কিংছ আৰু মুম্বাই ইণ্ডিয়ানছে ৫-৫ বাৰকৈ আই পি এলৰ ট্ৰফী লাভ কৰিছে। আনহাতে কলকাতা নাইট ৰাইডাৰ্ছে ২ বাৰকৈ আই পি এল জয় কৰিছে।
Continue Reading
