ডিজিটেল ডেস্কঃ মল্লযোদ্ধাৰ প্ৰতিবাদৰ প্ৰতি সমৰ্থন আগবঢ়ালে অনিল কুম্বলেই। ২৮ মে’ দেওবাৰে প্ৰতিবাদী মল্লযুঁজাৰুসকলক আৰক্ষীয়ে দমন কৰাৰ বিৰোধিতা কৰি কিংম্বদন্তি লেগস্পিনাৰনে এটা টুইট কৰিছে।
টুইটটোত কুম্বলেই লিখে- ''২৮ মে’ত আমাৰ মল্লযোদ্ধাসকলৰ ওপৰত যি অত্যাচাৰ কৰা হ’ল, সি সঁচাকৈয়ে হতাশাজনক। সকলো কথা আলোচনাৰ মাধ্যমেৰে সমাধান কৰিব পৰা যায়। অতি সোনকালে এটা মীমাংসাৰ কামনা কৰিলো।’’
কুম্বলেৰ পূৰ্বে প্ৰাক্তন পেচাৰ ইৰফান পাঠানেও বিষয়টো সম্পৰ্কত টুইট কৰিছিল। পাঠানে লিখিছিল- ''আমাৰ এথলীটসকলৰ ওপৰত কৰা অত্যাচাৰৰ দৃশ্যবোৰে দুখিত কৰিছে। অতি সোনকালে বিষয়টো সমাধান কৰা হওক।’’
কেৱল কুম্বলে অথবা ইৰফানেই নহয়, কপিল দেৱ আৰু হৰভজন সিঙেও প্ৰতিবাদী মল্লযোদ্ধাসকলৰ পক্ষত অৱস্থান কৰিছে। হৰভজন সিঙে কয়- “মল্লযোদ্ধাসকল দেশৰ গৌৰৱ। তেওঁলোকে ন্যায় বিচাৰি ৰাজপথত প্ৰতিবাদ কৰা দেখি দুখ লাগিছে। আশাকৰোঁ তেওঁলোকে ন্যায় পাব।"
Continue Reading
