মাহী,সকলোৰে আদৰৰ বিশ্ব ক্ৰিকেটৰ মহাতাৰকা৷ ভাৰতীয় প্ৰাক্তন অধিনায়কগৰাকীয়ে দলৰ বাবে ট্ৰফী লাভ কৰিয়েই হওক বা আন কোনো ধৰণেৰে হওক অনুৰাগীৰ হৃদয় জয় কৰাৰ ক্ষেত্ৰত সদায় আগত। আন্তঃৰাষ্ট্ৰীয় ক্ৰিকেটৰ পৰা অৱসৰ লোৱাৰ পাছত ধোনীক প্ৰায়ে বাইক লৈ আনন্দ কৰা দেখা

Listen to Article

2 min read

80%

ডিজিটেল ডেস্কঃমাহী,সকলোৰে আদৰৰ বিশ্ব ক্ৰিকেটৰ মহাতাৰকা৷ ভাৰতীয় প্ৰাক্তন অধিনায়কগৰাকীয়ে দলৰ বাবে ট্ৰফী লাভ কৰিয়েই হওক বা আন কোনো ধৰণেৰে হওক অনুৰাগীৰ হৃদয় জয় কৰাৰ ক্ষেত্ৰত সদায় আগত। আন্তঃৰাষ্ট্ৰীয় ক্ৰিকেটৰ পৰা অৱসৰ লোৱাৰ পাছত ধোনীক প্ৰায়ে বাইক লৈ আনন্দ কৰা দেখা যায়। ধোনীক প্ৰায়ে কিবা নহয় কিবা এটা কৰি থকা দেখা যায়, যাৰ ফলত তেওঁৰ অনুৰাগীসকল উৎফুল্লিত হৈ পৰে। এতিয়া ছ’চিয়েল মিডিয়াত এটা ভিডিঅ’ ভাইৰেল হৈছে যিয়ে সকলোৰে দৃষ্টি আকৰ্ষণ কৰিছে৷

ভাইৰেল হোৱা ভিডিঅ’টোত ধোনীয়ে নিজৰ বাইকত থকা ফেনজনক লিফ্ট দিয়া দেখা গৈছে। ভিডিঅ'টো বৰ আমোদজনক। ভিডিঅ’টোত দেখা গৈছে যে ধোনীয়ে অনুশীলন শেষ কৰি খেলপথাৰ এৰিবলৈ সাজু হৈছে। ইয়াৰ পাছত ভিডিঅ’টোত দেখা গৈছে যে পিছফালে বাইকখনত বহি আছে ধোনীৰ ফেন।

ভিডিঅ’টোৰ পৰা জানিব পাৰি যে ধোনীয়ে তেওঁৰ য়াম্মাহা আৰ ডি ৩৫০ বাইকেৰে এজন যুৱ ক্ৰিকেটাৰক লিফ্ট দিছিল। ধোনীক প্ৰায়ে তেওঁৰ চহৰ ৰাঁচীত বাইকত থকা দেখা যায়। ধোনীৰ বাইকৰ প্ৰতি থকা প্ৰেম কাৰো পৰা লুকাই থকা নাই। এইদৰে ধোনীয়ে যুৱ অনুৰাগীজনৰ দিনটো বিশেষ কৰি তোলে। ছ’চিয়েল মিডিয়াত ধোনীৰ সক্ৰিয়তা অতি কম। এনে পৰিস্থিতিত অনুৰাগীসকলে তেওঁৰ সান্নিধ্য পাবলৈ সদায় উৎসুক হৈ থাকে৷