ডিজিটেল ডেস্কঃ ধৰ্ষণ আৰু হত্যাৰ ভাবুকি লাভ কৰিলে উৰ্ফী জাভেদে৷ শেহতীয়াকৈ খোলা-মেলা পোছাকেৰে সামাজিক মাধ্যমত ধুমুহাৰ সৃষ্টি কৰা উৰ্ফিক ধৰ্ষণ আৰু হত্যাৰ ভাবুকি দিয়াৰ অভিযোগত গ্ৰেপ্তাৰ হৈছে এজন লোক৷
জানিব পৰা মতে, মুম্বাই আৰক্ষীয়ে নবীন গিৰি নামৰ এজন যুৱকক এই সংক্ৰান্তত গ্ৰেপ্তাৰ কৰিছে৷ উৰ্ফীৰ হোৱাটচআপ নাম্বাৰ সংগ্ৰহ কৰি এই ভাবুকি দিছিল নবীনে৷ তাৰপাছতে আৰক্ষীৰ কাষ চাপিছিল অভিনেত্ৰীগৰাকীয়ে৷
বৃহস্পতিবাৰে আৰক্ষীৰ জালত পৰে অভিযুক্ত নবীন৷ নবীনৰ বিৰুদ্ধে ভাৰতীয় দণ্ডবিধিৰ কেইবাটাও ধাৰা আৰোপ কৰা হৈছে৷
উল্লেখ্যে যে সম্প্ৰতি শাৰিৰীক অসুস্থাতাৰ বাবে ডুবাইৰ এখন হস্পিতালত ভৰ্তি হৈ আছে উৰ্ফী৷ জানিব পৰামতে, লেৰিংজাইটিছ ৰোগত আক্ৰান্ত হৈছে তেওঁ৷
হিন্দী টেলিভিচন অভিনেত্ৰী হিচাপে কেৰিয়াৰ আৰম্ভ কৰিছিল উৰ্ফীৰে৷ তাৰপাছত বিগ বছতো যোগ দি জনপ্ৰিয় হৈছিল অভিনেত্ৰীগৰাকী৷ তাৰপাছতে উদ্ভট পোছাক পৰিধান কৰি সামাজিক মাধ্যমত ধুমুহাৰ সৃষ্টি কৰে তেওঁ৷
Continue Reading
