ডিজিটেল ডেস্কঃ নিজৰ বডিগাৰ্ডৰ পুত্ৰক চিনেমাত নমাব চলমান খানে। নিজৰ প্ৰযোজিত চিনেমাত বডিগাৰ্ড শ্বৰাৰ পুত্ৰ টাইগাৰক নায়কৰ ৰূপত অভিনয় কৰোৱাব বলিউডৰ ভাইজানে।
জানিব পৰামতে, নতুন ছৱিৰ বাবে চিত্ৰনাট্য সম্পন্ন হৈছে। কিন্তু এতিয়ালৈকে পৰিচালক কোন হ’ব সেয়া সিদ্ধান্ত লোৱা হোৱা নাই। কিন্তু নায়ক হিচাপে নিজৰ বডিগাৰ্ডৰ পুত্ৰকে লোৱাৰ সিদ্ধআন্ত লৈছে চলমানে।
২০১৯ চনৰ পৰা চলমান খানে নিজৰ বডিগাৰ্ডৰ পুত্ৰ টাইগাৰৰ প্ৰশংসাত পঞ্চমুখ হৈ আহিছে। কৈ আহিছে যে ল’ৰাজনৰ প্ৰচুৰ অভিনয়ৰ প্ৰতিভা আছে।
নায়ক হিচাপে অভিনয়ৰ বাবে প্ৰশিক্ষণো লৈ আছে টাইগাৰে। কেৱল সেয়াই নহয়, টাইগাৰৰ বাবে নায়িকাৰো সন্ধানত আছে চলমান।
''শ্বেৰাৰ পুত্ৰৰ বাবে উপযক্ত চিত্ৰনাট্য কেৱল মইহে নিৰ্বাচন কৰিব পাৰিম। পাইও গ’লো। এতিয়া কেমেৰাৰ সমুখলৈ অহাৰ পূৰ্বে টাইগাৰক প্ৰশিক্ষণ দি আছো।’’- চলমানে কয়।
উল্লেখ্য যে চলমান অভিনীত ২০১৬ চনৰ চুলতান ছৱিখনতো জড়িত আছিল টাইগাৰ। ছৱিখনত সহঃ পৰিচালক হিচাপে কাম কৰিছিল চলমানৰ বডীগাৰ্ডৰ পুত্ৰ।
Continue Reading
