ডিজিটেল ডেস্কঃ উত্তৰ প্ৰদেশৰ এজন বিজেপি নেতাৰ বিৰুদ্ধে ধৰ্ষণৰ অভিযোগ উঠাৰ পিছতে নেতাজনে ফেচবুক লাইভলৈ গৈ আত্মহত্যাৰ চেষ্টা চলোৱাৰ ঘটনাই প্ৰতিক্ৰিয়াৰ সৃষ্টি কৰিছে। তেওঁ দাবী কৰিছে যে তেওঁৰ বিৰুদ্ধে মিছা অভিযোগ উত্থাপন কৰা হৈছে। তেওঁ প্ৰতিকূল পৰিস্থিতিত তেওঁৰ কাষত দলত কাকো বিচাৰি নোপোৱা বুলিও অভিযোগ কৰে।
সেয়ে তেওঁ এনে পৰিস্থিতিত জীয়াই থকাৰ অৰ্থ বিচাৰি নাপাই আত্মহত্যা কৰিব বিচাৰিছে বুলি নেতাজনে ফেচবুক লাইভত কয়। তেওঁ ফেচবুক লাইভত এইকথা কৈয়েই বিহ পান কৰি আত্মহত্যাৰ চেষ্টা চলায়। অৱশ্যে, তেওঁক লগে লগে আৰু চিকিৎসালয়ত ভৰ্তি কৰোৱাৰ ব্যৱস্থা কৰা হয়। তেওঁ বৰ্তমান বিপদমুক্ত বুলি চিকিৎসকে প্ৰকাশ কৰিছে।উত্তৰ প্ৰদেশৰ মোৰাদাবাদৰ বাসিন্দা বীৰ সিং বিজেপিৰ কিষাণ মৰ্চাৰ এজন নেতা।
তেওঁ দীৰ্ঘদিন ধৰি সম্পত্তি সম্পৰ্কীয় বিবাদত জড়িত হৈ আছে। আৰক্ষীয়ে প্ৰকাশ কৰা মতে নেতাজনে কেইদিনমান আগতে এগৰাকী মহিলাক উৎপীড়ন কৰাৰ অভিযোগ উত্থাপন হৈছিল। নেতাজনে দাবী কৰিছে যে অভিযোগবোৰ তেওঁক ধৰ্ষণৰ গোচৰত সাঙোৰাৰ অপচেষ্টা আছিল।বিজেপিৰ কিষাণ মৰ্চাৰ নেতাজনে শেহতীয়াকৈ ফেচবুক লাইভত আত্মহত্যাৰ চেষ্টা চলায়। তেওঁ দাবী কৰে যে তেওঁক এনে গোচৰত মিছাকৈ জড়িত কৰা হৈছিল।
তেওঁ কোনো মহিলাৰ সৈতে দুৰ্ব্যৱহাৰ কৰা নাই। নেতাজনে কৈছে যে ধৰ্ষণ আৰু উৎপীড়নৰ অভিযোগ পোহৰলৈ অহাৰ পিছত তেওঁ তেওঁৰ পৰিয়ালক মুখ দেখুৱাবলৈ অক্ষম হৈছে। তেওঁৰ এগৰাকী ১৫ বছৰীয়া কন্যা সন্তান আছে। আৰক্ষীয়ে সমগ্ৰ ঘটনা সন্দৰ্ভত তদন্ত আৰম্ভ কৰিছে।
Continue Reading
