ডিজিটেল ডেস্কঃ মণিপুৰত দুগৰাকী মহিলাৰ সৈতে হোৱা অত্যাচাৰৰ ভিডিঅ’ প্ৰকাশ পোৱাৰ পাছতে চৰকাৰক আক্ৰমণ কৰিছে বিৰোধীয়ে। বিৰোধীয়ে সংসদত মণিপুৰৰ পৰিস্থিতি সন্দৰ্ভত দীঘলীয়া আলোচনা আৰু প্ৰধানমন্ত্ৰীৰ বক্তব্যৰ দাবী জনাইছে।ইফালে বিজেপিয়ে কৈছে যে যদি মণিপুৰৰ কথা কোৱা হয়, তেন্তে পশ্চিমবংগ আৰু ৰাজস্থানতো মহিলাৰ ওপৰত হোৱা অত্যাচাৰৰ চৰ্চা হ’ব।
উল্লেখযোগ্য যে মণিপুৰত বিজেপিৰ শাসন, আনহাতে তৃণমূল কংগ্ৰেছ পশ্চিম বংগত আৰু কংগ্ৰেছ ৰাজস্থানত চৰকাৰ আছে৷ বিজেপি আৰু বিৰোধীৰ মাজত হুলস্থুলৰ মাজতে মহিলাৰ সৈতে হোৱা অপৰাধকৱ লৈ সাংসদসকলৰ প্ৰশ্নৰ উত্তৰ চৰকাৰৰ পৰা আহিছে।চাৰিজন সাংসদৰ প্ৰশ্নৰ লিখিত উত্তৰত কেন্দ্ৰীয় গৃহ ৰাজ্য মন্ত্ৰী অজয় কুমাৰ মিশ্ৰই কয় যে ২০১৭ চনৰ পৰা ২০২১ চনৰ ভিতৰত ২৮খন ৰাজ্যত ধৰ্ষণ বা দলবদ্ধ ধৰ্ষণৰ পাছত মহিলা হত্যাৰ ১২৭৮টা গোচৰ ৰুজু হৈছে। ইয়াৰ ভিতৰত উত্তৰ প্ৰদেশে প্ৰথম স্থানত আৰু অসমে দ্বিতীয় স্থানত থিয় দিছে। উত্তৰ প্ৰদেশত সৰ্বাধিক ২১৮টা আৰু অসমত ১৯১টা এনে ঘটনা পঞ্জীয়ন হৈছে।
তৃতীয় আৰু চতুৰ্থ স্থানত মহাৰাষ্ট্ৰ আৰু মধ্যপ্ৰদেশ য’ত ক্ৰমে ১৬৬ আৰু ১৩৩টা গোচৰ পঞ্জীয়ন কৰা হৈছে। এই তথ্যসমূহ ২৫ জুলাইত লোকসভাত এক প্ৰশ্নৰ উত্তৰত দাখিল কৰিছিল কেন্দ্ৰীয় গৃহ ৰাজ্যিক মন্ত্ৰী অজয় কুমাৰ মিশ্ৰই। স্মৰ্তব্য যে, ২০১৭ চনৰ পৰা ২০২১ চনৰ ভিতৰত উত্তৰ প্ৰদেশ আৰু অসমত বিজেপি ক্ষমতাত আছিল।
ৰাজস্থানত ৩৯টা ধৰ্ষণ বা দলবদ্ধ ধৰ্ষণৰ পাছত হত্যাকাণ্ড সংঘটিত হোৱাৰ বিপৰীতে ছত্তীশগড় আৰু পশ্চিম বংগত এই সময়ছোৱাত ক্ৰমে ৩২ আৰু ৩০টা ঘটনা সংঘটিত হৈছে।
সংসদৰ মজিয়াত সংঘমিত্ৰ মৌৰ্য, কেশৰী দেৱী পেটেল আৰু সঞ্জয় জাদৱে দেশত মহিলাৰ ওপৰত অত্যাচাৰ, বিশেষকৈ ধৰ্ষণ আৰু হত্যাৰ গোচৰ বৃদ্ধি পাইছে নেকি বুলি প্ৰশ্ন কৰে? গৃহ ৰাজ্য মন্ত্ৰী অজয় কুমাৰ মিশ্ৰই মহিলাক হাৰাশাস্তি সম্পৰ্কীয় প্ৰশ্নৰ উত্তৰত এই তথ্য দাঙি ধৰে।
ৰাষ্ট্ৰীয় অপৰাধ অভিলেখন সঞ্চালকালয়(এন চি আৰ বি)ৰ ২০২১ চনৰ প্ৰতিবেদন অনুসৰি, ২০২১ চনত ভাৰতত প্ৰতি ঘণ্টাত গড়ে প্ৰতিদিনে ৮৬টা ধৰ্ষণ আৰু মহিলাৰ বিৰুদ্ধে অপৰাধৰ ৪৯টা গোচৰ সংঘটিত হৈছিল।এনচিআৰবি-২০২১ৰ তথ্যত মহিলা ধৰ্ষণৰ ক্ষেত্ৰত ৰাজস্থান (৬,৩৩৭) শীৰ্ষত আছে। এই তালিকাৰ পাছতে মধ্যপ্ৰদেশ (২,৯৪৭) দ্বিতীয় স্থান, মহাৰাষ্ট্ৰ (২,৪৯৬) তৃতীয় আৰু উত্তৰ প্ৰদেশ (২,৮৪৫) চতুৰ্থ স্থানত অৱস্থান গ্ৰহণ কৰিছে।
Continue Reading
