ডিজিটেল ডেস্ক: ভাৰতৰ টেলিভিচন জগতৰ আইকনিক টিভি শ্ব’ ‘শক্তিমান’ পুনৰ আহি আছে৷যি আছিল ৯০ৰ দশকৰ ল’ৰা-ছোৱালীৰ প্ৰিয় ছুপাৰহিৰোৰ চৰিত্ৰ৷ এতিয়া ১৯ বছৰৰ পাছত মুকেশ খান্নাই পুনৰবাৰ অনুৰাগীসকলক শক্তিমানৰ টিজাৰ মুকলি কৰি অনুৰাগীসকলক নষ্টালজিক কৰি তুলিছে৷
অভিনেতা গৰাকীয়ে বহু প্ৰত্যাশিত ‘শক্তিমান’ৰ প্ৰত্যাৱৰ্তনৰ কথা ঘোষণা কৰি নিজৰ ইনষ্টাগ্ৰামত পোষ্টাৰ আৰু টিজাৰ মুকলি কৰাৰ পাছতে অনুৰাগীৰ বিশেষ সঁহাৰি দেখিবলৈ পোৱা গ’ল৷ আইকনিক ছুপাৰহিৰো উভতি অহাৰ বাতৰিয়ে কৌতুহলৰ সৃষ্টি কৰিছে অনুৰাগীৰ মাজত।
অভিনেতা গৰাকীয়ে কয় তেওঁৰ উভতি অহাৰ সময় আহি পৰিছে, যি আছিল প্ৰথম ভাৰতীয় ছুপাৰহিৰো! উভতি অহাৰ সময়ত পুনৰ লৈ আহিছে সত্যৰ জয় অসত্যৰ পৰাজয়।কেৱল ভীষ্ম আন্তঃৰাষ্ট্ৰীয় ইউটিউব চেনেলত উপলব্ধ হ’ব ধাৰাবাহিক খন।ইয়াৰ পূৰ্বে প্ৰথমে ডিডি নেচনেলত ১৯৯৭ চনৰ ১৩ ছেপ্টেম্বৰৰ পৰা ২০০৫ চনৰ ২৭ মাৰ্চলৈকে সম্প্ৰচাৰিত হৈছিল।
ধাৰাবাহিক খনৰ ইনষ্টাগ্ৰামত পোষ্টাৰ আৰু টিজাৰ মুকলি হোৱাৰ পাছতে শৈশৱৰ স্মৃতি ৰোমন্থন কৰি নষ্টালজিক হৈ পৰে অনুৰাগীসকল৷ধাৰাবাহিক খনলৈ পূৰ্বৰ দৰেই বিপুল সঁহাৰি দেখুৱাইছে অনুৰাগীয়ে৷
Continue Reading
