ডিজিটেল ডেস্কঃ লক্ষ্ণৌ ছুপাৰ জায়েন্টছৰ বিৰুদ্ধে আইপিএলৰ প্ৰথমখন মেচত দিল্লীৰ ডাগআউটত ঋষভ পণ্টৰ জাৰ্চি ওলমি থকা দেখা গৈছিল। কিন্তু ভাৰতীয় ক্ৰিকেট ব’ৰ্ডে সেই কাম মানি ল’ব নোৱাৰে। তেওঁলোকৰ মতে দিল্লীয়ে অতিৰিক্ত শোক দেখুৱাইছে।
সংবাদ সংস্থা পিটিআইৰ সূত্ৰ অনুসৰি দিল্লীক এই কামত ব’ৰ্ডে বাধা প্ৰদান কৰিছে। ব’ৰ্ডে ক’লে, “দিল্লীয়ে অতিৰঞ্জিত কৰিছে। সাধাৰণতে কোনোবাই মৃত্যু বা অৱসৰ ল’লে ডাগআউটত জাৰ্চি ৰখা হয়। পণ্টৰ শাৰিৰীক অৱস্থা ভাল আৰু অতি সোনকালে সুস্থ হোৱাৰ সম্ভাৱনা আছে। ভৱিষ্যতে এই কাম নকৰিবলৈ দিল্লীক অনুৰোধ কৰা হৈছে।”
আই পি এল আৰম্ভ হোৱাৰ পূৰ্বে দিল্লীত অনুষ্ঠিত এক অনুষ্ঠানত ভাষণ দি পণ্টিঙে কৈছিল, ''পণ্টৰ জাৰ্চি নম্বৰ আমাৰ জাৰ্চি বা কেপত লিখিব পাৰি। মই আপোনালোকক সোঁৱৰাই দিব বিচাৰিছো যে তেওঁ আমাৰ প্ৰকৃত নেতা। আমাৰ লগত নাথাকিলেও তেওঁ আমাৰ লগত থাকে।”
দিল্লী কেপিটেলছৰ ক্ৰিকেট পৰিচালক সৌৰভ গাংগুলী। পণ্টে খেলিব নোৱাৰিব বুলি গম পোৱাৰ পিছত তেওঁৱেই ঘোষণা কৰিছিল যে ডেভিদ ৱাৰ্নাৰক অধিনায়ক হিচাপে নিযুক্তি দিয়া হ’ব। লক্ষ্ণৌ ছুপাৰজায়েন্টছৰ বিৰুদ্ধে প্ৰথমখন খেলত পৰাস্ত হয় দিল্লী। মঙলবাৰে ঘৰুৱা ক্ষেত্ৰত গুজৰাট টাইটানছৰ বিৰুদ্ধে খেলিব।
