ডিজিটেল ডেস্কঃ লোকসভা নিৰ্বাচনৰ পূৰ্বে দেশৰ কেইবা স্থানতো ইডিয়ে তালাচী অভিযান চলায়। এই তালাচী অভিযানৰ সময়ত বৃহৎ পৰিমাণৰ নগদ ধনৰ লগতে বহু বিসংগতিপূৰ্ণ নথি-পত্ৰ উদ্ধাৰ হয়। ইডিয়ে মেচাৰ্ছ মকৰনীয়ান শ্বিপিং এণ্ড লজিষ্টিক প্ৰাইভেট লিমিটেডৰ কাৰ্যালয়ৰ লগতে ইয়াৰ সঞ্চালক বিজয় কুমাৰ শুক্লা আৰু সঞ্জয় গোস্বামীৰ কাৰ্যালয়ত অভিযান চলায়।
উক্ত প্ৰতিষ্ঠানৰ সহযোগী প্ৰতিষ্ঠান মেচাৰ্ছ লক্ষ্মীটন মেৰিটাইম, মেচাৰ্ছ হিন্দুস্তান ইণ্টাৰনেচনেল, মেচাৰ্ছ ৰাজনন্দিনী মেটালছ লিমিটেড, এম/এছ ষ্টাৱচাৰ্ট এলয় ইণ্ডিয়া প্ৰাইভেট লিমিটেডৰ চৌহদতো ইডিয়ে ফেমা,১৯৯৯ ৰঅধীনত তালাচী চলায়। মেচৰ্চ ভাগ্যনগৰ লিমিটেড, মেচৰ্চ বিনায়ক ষ্টীলছ লিমিটেড, মেচাৰ্চ বশিষ্ঠ কনষ্ট্ৰাকচনচ প্ৰাইভেট লিমিটেড; আৰু উক্ত প্ৰতিষ্ঠানসমূহৰ পৰিচালক/অংশীদাৰ সন্দীপ গাৰ্গ, বিনোদ কেদিয়া আৰু অন্যান্যসকলৰ দিল্লী, হায়দৰাবাদ, মুম্বাই, কুৰুক্ষেত্ৰ আৰু কলকাতাৰ বিভিন্ন স্থানত তালাচী চলায়।
তালাচীৰ সময়ত বিভিন্ন আপত্তিজনক নথিপত্ৰ, ডিজিটেল সঁজুলি আৰু ৱাশ্বিং মেছিনৰ ভিতৰত ২.৫৪ কোটি টকাৰ নগদ ধন পোৱা গৈছে । দিল্লী, মুম্বাই, হায়দৰাবাদ আৰু কলকাতাত অভিযান চলাই ইডিয়ে ৪৭ টা বেংক একাউণ্ট জব্দ কৰে।
Continue Reading
