দিল্লীৰ পৰা লণ্ডনলৈ বাছ যাত্ৰা! ৭০ দিনৰ যাত্ৰাত খৰচ হ'ব ১৫ লাখ টকা

ডিজিটেল ডেস্কঃ দিল্লীৰ পৰা লণ্ডনলৈ বাছ যাত্ৰা কৰাৰ কথা আপুনি বাৰু ভাবিব পাৰে নে? এক দীঘলীয়া বাছ যাত্ৰা কৰাৰ সপোন যদি আপুনি দেখি আছে তেন্তে এডভেঞ্চাৰ অভাৰলেণ্ড সংস্থাই আপোনাৰ বাবে আনিছে এক সুখবৰ৷ ১৮ খন দেশৰ মাজেৰে যাত্ৰা কৰি আপুনি লণ্ডনলৈ যাবৰ বাবে পাব সুযোগ। এই যাত্ৰা হ’ব ৭০ দিনীয়া। দিল্লীৰ গুৰু্গ্ৰামৰ এটা টুৰিষ্ট কোম্পানীয়ে দিল্লীৰ পৰা লণ্ডনলৈ বাছ যাত্ৰাৰ এক সেৱা নতুনকৈ আৰম্ভ কৰিছে। এই বিলাসী ভ্ৰমণৰ বাবে আপুনি ব্যয় কৰিব লাগিব ১৫ লাখ টকা৷ এই ব্যয়ত টিকট, ভিছা, বিভিন্ন দেশত থকাৰ ব্যয় আৰু অন্যান্য আনুষংগিক ব্যয় অন্তৰ্ভুক্ত থাকিব৷ বাছখন কিৰগিজস্তান, চীন, থাইলেণ্ড, ম্যানমাৰ, লাউছ, উজবেকিস্তান, ৰাছিয়া, নেডাৰলেণ্ড, বেলজিয়াম, ফ্ৰান্স ইত্যাদিৰ লগতে মুঠ ১৮ দেশৰ মাজেৰে বাছখনে যাত্ৰা কৰিব। ১৮ খন দেশত প্ৰায় ২০,০০ কিলোমিটাৰ পথ অতিক্ৰম কৰা হ'ব৷ বাছখনত মুঠ ২০ খন আসন থাকিব৷ প্ৰতিজন যাত্ৰীৰ বাবে এটা পৃথক কেবিন থাকিব৷ খোৱা, শুৱাকে ধৰি সকলো ধৰণৰ সুবিধা থাকিব৷ আপুনি ভিছা, পাছপোৰ্ট আৰু অন্যান্য নথিপত্ৰৰে এই বাছখনত যাত্ৰা কৰিব পাৰে৷যাত্ৰীসকলৰ লগতে থাকিব এগৰাকী চালক, এগৰাকী সহকাৰী চালক, এগৰাকী গাইড আৰু সহযোগী। বাছখনৰ নাম দিয়া হৈছে 'Bus To London'. এই বৰ্ষৰ ছেপ্টেম্বৰ মাহত আৰম্ভ হব এই বাছ যাত্ৰা। আৰু পঢ়কঃ একতাৰ নিদৰ্শন! এটা শিৱ মন্দিৰৰ সম্পূৰ্ণ চোৱাচিতা কৰে মুছলিম পিতা-পুত্ৰই