ডিজিটেল ডেস্ক: দিল্লীৰ মুখ্যমন্ত্ৰী অৰবিন্দ কেজৰিৱালে দিল্লীবাসীৰ বাবে আগবঢ়াইছে বিশেষ সুবিধা৷ দিল্লীবাসীয়ে বিদ্যুতৰ ৰাজসাহায্য লাভ কৰিবলৈ ‘মিছড্কল’ সেৱাৰ ঘোষণা কৰিছে৷ মুখ্যমন্ত্ৰী কেজৰিৱালে কয়, বুধবাৰৰ পৰা বিদ্যুৎ ৰাজসাহায্য লাভ কৰিবলৈ গ্ৰাহকসকলৰ বাবে অনলাইন আৰু অফলাইন দুয়োটা পদ্ধতিতে উপলব্ধ কৰোৱা হ’ব।
এখন সংবাদমেলত তেওঁ কয় যে দিল্লীৰ বিদ্যুৎ উপভোক্তাসকলে আজিৰ পৰা ৰাজসাহায্য বাচনি কৰিবলৈ ৭০১১৩ ১১১১১ নম্বৰত মিছড্কল দিব পাৰে। কেজৰিৱালে লগতে কয় যে বহুলোকে দিল্লীত বিদ্যুতৰ ৰাজসাহায্য এৰিব বিচাৰিছে। কিন্তু, যিসকলে ৰাজসাহায্য লাভ কৰিব বিচাৰে তেওঁলোকে আবেদন কৰিবলৈ এখন প্ৰপত্ৰ পাব। তেওঁলোকে ৭০১১৩ ১১১১১ নম্বৰত এটা মিছকল দিব পাৰে, যাৰ দ্বাৰা তেওঁলোকে ৰাজসাহায্যৰ বাবে আবেদন কৰিবলৈ হোৱাটছএপত এখন প্ৰপত্ৰ পাব।
যিসকলে ৩১ অক্টোবৰলৈকে ৰাজসাহায্যৰ বাবে আবেদন কৰিছে তেওঁলোকক মাহটোৰ ৰাজসাহায্য পৰিশোধ কৰা হ’ব। তেওঁ লগতে কয় যে প্ৰতি মাহে মানুহে ৰাজসাহায্যৰ বাবে আবেদন কৰিব পাৰে। কেজৰিৱালে আজি এইটোও দাবী কৰে যে বিজেপিয়ে পঞ্জাবৰ আপ চৰকাৰৰ ১০ জন বিধায়কৰ কাষ চাপিছে আৰু অভিযোগ কৰে যে বিজেপিয়ে বিধায়ক ক্ৰয় কৰিছে আৰু চৰকাৰ ভাঙিছে।
পঞ্জাৱৰ শাসনাধিষ্ঠিত আপে মঙলবাৰে বিজেপিক ৰাজ্যখনৰ ভগৱন্ত মান চৰকাৰক উৎখাত কৰাৰ প্ৰচেষ্টাত ইয়াৰ বিধায়কসকলক ২০-২৫ কোটি টকাৰ প্ৰস্তাৱ দিয়াৰ অভিযোগ উত্থাপন কৰে। পঞ্জাবত বিজেপিয়ে অভিযোগবোৰক ভিত্তিহীন আৰু মিছাৰ গোট বুলি অভিহিত কৰিছিল আৰু কৈছিল যে আপে ইয়াৰ বিফলতাৰ পৰা মানুহৰ মনোযোগ আঁতৰাবলৈ চেষ্টা কৰি আছে।
Continue Reading
