ডিজিটেল ডেস্কঃ কান্দি-কাটি দিন পাৰ কৰিছে কিম জং উনে! উত্তৰ কোৰিয়াৰ একনায়কগৰাকীয়ে তেওঁৰ হৃদয়ৰ দুখ পাহৰিবলৈ দিনে-ৰাতিয়ে সুৰা পান কৰি আছে। কেৱল সেয়াই নহয়, তেওঁ অসুস্থও হৈ পৰিছে। জীৱনৰ আশা হেৰুৱাই পেলাইছে প্ৰবল প্ৰতাপী শাসকগৰাকীয়ে। জনসমাগমৰ পৰা আঁতৰি ৰৈছে তেওঁ!
প্রখ্যাত সংবাদ সংস্থা দ্যা মিৰ’ৰত প্ৰকাশিত শেহতীয়া এক প্ৰতিবেদন অনুসৰি, কিমৰ শাৰীৰিক সমস্যাই দেখা দিছে। তেওঁ চিকিৎসকসকলৰ কঠোৰ পৰ্যবেক্ষণত আছে।
কিন্তু কিমে কি ৰোগত ভুগি আছে? প্ৰতিবেদন অনুসৰি, উত্তৰ কোৰিয়াৰ একনায়কজন মধ্য জীৱনৰ সংকটত ভুগি আছে। তেওঁ এই সপ্তাহতে তেওঁৰ ৪০ তম জন্মদিন উদযাপন কৰিছিল। কিন্তু কিমে তাৰ পাছৰে পৰা অসুস্থ অনুভৱ কৰি আছে।
জানিব পৰা মতে, প্ৰচণ্ড মানসিক চাপতো পৰিছে কিম। এই মানসিক চাপৰ পৰা পৰিত্ৰাণ পাবৈ সুৰা পান কৰিছে শাসকগৰাকীয়ে। চিকিৎসকসকলে তেওঁক সুৰা পানৰ পৰিৱৰ্তে ব্যায়াম কৰিবলৈ পৰামৰ্শ দিছে। কিন্তু সুৰাপানকে আঁকোৱালি লৈছে কিম জং উনে।
উত্তৰ কোৰিয়াৰ এজন চিকিৎসকে কয়, "কিমৰ বয়স প্ৰায় ৪০ বছৰ। শুনা গৈছে যে তেওঁ সম্পূৰ্ণৰূপে অকলশৰীয়া। কিমে যথেষ্ট সুৰা পান কৰাৰ পিছত তেওঁ কন্দা কটা কৰে।’’
চিকিৎসকসকলে বিশ্বাস কৰে যে কিম মুখ্যতঃ সুৰাপানৰ বাবেই অসুস্থ হৈ পৰিছে। নিজৰ অসুস্থতাৰ বাতৰি প্ৰকাশ হোৱাৰ পাছতো সমস্যাত পৰিছে কিম। সেয়েহে দেশৰ বাহিৰলৈ যাওঁতে তেওঁ নিজৰ বাবে এটা বিশেষ শৌচালয়ৰ ব্যৱস্থা কৰিছে, যাতে আন দেশৰ চোৰাংচোৱাসকলে তেওঁৰ শৌচ পৰীক্ষা কৰি অসুস্থতাৰ বিষয়ে গম নাপায়।
কিমৰ দেউতাক কিম জং দ্বিতীয়ৰ ৬৯ বছৰ বয়সত হৃদৰোগত আক্ৰান্ত হৈ মৃত্যু হয়। ২০১১ চনত তেওঁৰ মৃত্যু হয়। সেইকাৰণে কিমে ভাবে যে তেওঁ একে কম বয়সতে মৃত্যুবৰণ কৰিব। পিতৃৰ মৃত্যুৰ পিছত কিম উত্তৰ কোৰিয়াৰ নেতা হয়। সেই পৰম্পৰা অনুসৰণ কৰি, কিমে নিজৰ জীয়েকক দেশৰ সৰ্বোচ্চ পদৰ বাবে প্ৰস্তুত কৰি আছে।
Continue Reading
