ডিজিটেল ডেস্কঃ ভাৰতকে ধৰি বিশ্বৰ বিভিন্ন দেশত নানান জনগোষ্ঠীৰ লোকে বাস কৰি আহিছে। তেওঁলোকৰ নিজা ৰীতি-নীতি-সংস্কৃতিয়ে বহুতকে আকৰ্ষিও কৰি আহিছে। ভাৰত-ম্যানমাৰ সীমান্তৰ এটা বিশেষ জনগোষ্ঠীয়ে ডিঙিত পিতলৰ ৰিং পিন্ধাৰ কথায়ো বহুতকে আকৰ্ষণ কৰি আহিছে।
দৰাচলতে বন্য জীৱ জন্তুৰ আক্ৰমণ আদিৰ পৰা ৰক্ষা পৰিবলৈ মানুহে বিভিন্ন কৌশল অৱলম্বন কৰি আহিছে। বাঘৰ আক্ৰমণৰ পৰা ৰক্ষা পৰিবলৈ ডিঙিত পিতলৰ ৰিং পিন্ধা এটা জনগোষ্ঠীয়ে বহুতৰে দৃষ্টি আকৰ্ষণ কৰি আহিছে।
লক্ষ্যণীয় কথাটো হ'ল জনগোষ্ঠীটোৰ প্ৰতি গৰাকী নাৰীয়ে ডিঙিত দীঘল পিতলৰ ৰিং পিন্ধে। এয়া তেওঁলোকৰ এক পৰম্পৰাত পৰিণত হৈছে।
ভাৰত-ম্যানমাৰ সীমান্তৰ কায়াহ প্ৰদেশৰ বাসিন্দা এই জনগোষ্ঠীটোৰ নাম কায়ান।
যুগ যুগ ধৰি কায়ান জনগোষ্ঠীৰ নাৰী সকলে ডিঙিত উজ্জ্বল পিতলৰ ৰিং পিন্ধি আহিছে।
ম্যানমাৰৰ কায়াহ প্ৰদেশত বাঘৰ উপদ্ৰৱ খুবেই বেছি।
বাঘে জনগোষ্ঠীটোৰ বহু লোকৰ প্ৰাণ কাঢ়ি নিছে। জনগোষ্ঠীটোৰ লোকসকলে ভাবে যে ঘৰত অকলে থকা মহিলা সকলক বাঘে সহজে আক্ৰমণ কৰিব পাৰে।
সেইবাবেই কায়ান জনগোষ্ঠীৰ সকলো নাৰীয়েই বাঘে যাতে ডিঙিত কামুৰি মৃত্যু ঘটাব নোৱাৰে তাৰ বাবে ডিঙিত পিতলৰ দীঘল ৰিং পিন্ধে।
Continue Reading
