ডিভ’ৰ্ছৰ দিনাই তৃতীয় বিবাহ! ৪৯ বছৰীয়া সাংসদে ১৮ বছৰীয়া যুৱতীক পাতিলে বিয়া

ডিজিটেল ডেস্কঃ পাকিস্তানৰ শাসনাধিষ্ঠ পিটিআইৰ সাংসদ আৰু জনপ্ৰিয় দূৰদৰ্শন সঞ্চালক ড০ আমিৰ লিয়াকত হুছেইনে তৃতীয়বাৰৰ বাবে বিবাহপাশত আৱদ্ধ হৈছে। ৪৯ বছৰীয়া সাংসদগৰাকীয়ে ১৮ বছৰীয়া চৈয়দা দানিয়া শ্বাহৰ সৈতে তৃতীয় বিবাহ কৰা বিষয়টো পাকিস্তানত আলোচনাৰ বিষয় হৈ পৰিছে। দুয়ো বুধবাৰে বিবাহপাশত আৱদ্ধ হয়। এই বিয়াৰ খবৰ আমিৰ লিয়াকত হুছেইনে এটা ইনষ্টাগ্ৰাম পোষ্টৰ জৰিয়তে জনায়। আমিৰ লিয়াকত হুছেইনে দ্বিতীয় পত্নীক বিবাহ বিচ্ছেদ দিয়াৰ দিনাই তৃতীয় বাৰৰ বাবে বিবাহপাশত আৱদ্ধ হয়। [caption id="attachment_130024" align="aligncenter" width="300"] প্ৰথমা পত্নীৰ সৈতে আমিৰ লিয়াকত হুছেইন[/caption] ইনষ্টাগ্ৰামত তেওঁৰ তৃতীয় পত্নীৰ সৈতে এখন ফটো শ্বেয়াৰ কৰি প্ৰধানমন্ত্ৰী ইমৰান খানৰ দলৰ সাংসদগৰাকীয়ে লিখিছে, “যোৱা নিশা ১৮ বছৰীয়া চৈয়দা দানিয়া শ্বাহৰ সৈতে বিবাহপাশত আৱদ্ধ হ’লো। তেওঁ দক্ষিণ পঞ্জাৱৰ লোধাৰণৰ সন্মানীয় সাদাত পৰিয়ালৰ জীয়ৰী।” তেওঁৰ পোষ্টত তেওঁৰ তৃতীয় পত্নীৰ প্ৰশংসা কৰি আমিৰ লিয়াকাতে আৰু লিখিছিল, “তেওঁ খুব ধুনীয়া, সৰল আৰু মৰমৰ। মই মোৰ সকলো শুভাকাংক্ষীক আমাৰ বাবে প্ৰাৰ্থনা কৰিবলৈ অনুৰোধ জনাইছো। মই এইমাত্ৰ মোৰ জীৱনৰ বেয়া সময়বোৰ এৰি আহিছো। সেইটো মোৰ ভুল সিদ্ধান্ত আছিল।” বুধবাৰে আমিৰৰ দ্বিতীয় পত্নী অভিনেত্ৰী তুব্বা আমিৰে ইনষ্টাগ্ৰামৰ জৰিয়তে আমিৰৰ সৈতে বিবাহ বিচ্ছেদৰ কথা ঘোষণা কৰে। তেওঁৰ পোষ্টত অভিনেত্ৰীগৰাকীয়ে প্ৰকাশ কৰিছিল যে দুয়োজনে যোৱা ১৪ মাহ ধৰি পৃথকে বাস কৰি আছে। [caption id="attachment_130025" align="aligncenter" width="300"] দ্বিতীয় পত্নীৰ সৈতে আমিৰ লিয়াকত হুছেইন[/caption] তেওঁ পোষ্টত লিখিছিল, “গভীৰ হৃদয়েৰে মই আপোনাক মোৰ ব্যক্তিগত জীৱনৰ সৈতে সম্পৰ্কিত এটা তথ্য দিব বিচাৰিছোঁ। মোৰ ঘনিষ্ঠ বন্ধু আৰু আত্মীয়সকলে জানে যে আমিৰ লিয়াকত আৰু মই ১৪ মাহ ধৰি পৃথকে বাস কৰি আছো আৰু এইটো কথাই প্ৰমাণ কৰে যে আমি একেলগে থাকিব নোৱাৰোঁ। আদালতলৈ গৈ বিবাহ বিচ্ছেদ কৰাৰ বাহিৰে মোৰ কোনো উপায় নাছিল।মই বুজাব নোৱাৰো এইটো মোৰ বাবে কিমান কঠিন আছিল, কিন্তু মই আল্লাৰ ওপৰত বিশ্বাস কৰোঁ। মই সকলো লোকক মোৰ সিদ্ধান্তক সন্মান কৰিবলৈ অনুৰোধ জনাইছোঁ।” [caption id="attachment_130027" align="aligncenter" width="300"] তৃতীয় পত্নীৰ সৈতে আমিৰ লিয়াকত হুছেইন[/caption] আমিৰৰ দ্বিতীয় বিবাহ ২০১৮ চনত হৈছিল। যেতিয়া আমিৰে বিবাহৰ কথা ঘোষণা কৰিছিল, তেওঁৰ প্ৰথম পত্নী ছাইদ বুছৰা ইকবালে ছ’চিয়েল মিডিয়াৰ জৰিয়তে কৈছিল যে আমিৰে তেওঁক ফোনযোগে বিবাহ বিচ্ছেদ দিছিল। বুচৰাই কৈছিল যে এই কথাই তেওঁৰ সন্তান আৰু তেওঁক গভীৰভাৱে আঘাত কৰিছিল। ড০ আমিৰ লিয়াকত হুছেইনৰ তৃতীয় বিবাহো স্থায়ী হ’ব নে নাই তাকে লৈ প্ৰশ্ন উঠিছে পাকিস্তানত। আৰু পঢ়কঃ আজি প্ৰ’মিজ দে! সম্পৰ্ক মজবুত কৰিবলৈ এই ৫ টা প্ৰ’মিজ কৰক সংগীক