ডিজিটেল ডেস্কঃ ভাৰতীয় দলৰ আন এজন প্ৰাক্তন সদস্যই দেশ এৰি বহিঃৰাজ্যত ফ্ৰেঞ্চাইজি লীগত যোগদান কৰিছে। কলকাতা নাইট ৰাইডাৰ্ছৰ হৈ আই পি এল খেলা বেটছমেনগৰাকীক দক্ষিণ আফ্ৰিকাৰ টি-২০ লীগত দেখা যাব। ইতিমধ্যে তেওঁ ভাৰতীয় ক্ৰিকেটৰ পৰা অৱসৰ লৈছে।
দক্ষিণ আফ্ৰিকাৰ ফ্ৰেঞ্চাইজি লীগ নিলামত প্ৰৱেশ কৰা প্ৰথমজন ভাৰতীয় ক্ৰিকেটাৰ হিচাপে পৰিগণিত হয় ৰবিন উথাপ্পা। ২০০৭ চনত দক্ষিণ আফ্ৰিকাত ভাৰতৰ টি-২০ বিশ্বকাপ বিজয়ী দলৰ অন্যতম সদস্য উথাপ্পা। তেওঁ মহেন্দ্ৰ সিং ধোনিৰ ঘনিষ্ঠ সতীৰ্থ হিচাপে পৰিচিত। বেটিঙৰ উপৰিও উথাপ্পাই উইকেটকীপাৰ হিচাপেও খেলিব পাৰে।
২৭ ছেপ্টেম্বৰত অনুষ্ঠিত হ’ব দক্ষিণ আফ্ৰিকাৰ টি-২০ লীগৰ নিলাম। দক্ষিণ আফ্ৰিকাৰ বাহিৰেও ১৪খন দেশৰ ১২২গৰাকী ক্ৰিকেটাৰে এই নিলামত প্ৰৱেশ কৰিছে। তাৰ ভিতৰত উথাপ্পাৰ নামো আছে। ইয়াৰ পূৰ্বেও তেওঁক বিদেশী ফ্ৰেঞ্চাইজি লীগত দেখা গৈছে। ২০২৩ চনত ডুবাই কেপিটেলছ আৰু হাৰাৰে হাৰিকেনছৰ হৈ খেলিছিল। ২০২২ চনলৈকে চি এছ কেৰ হৈ আই পি এল খেলিছিল।
৩৭ বছৰীয়া ক্ৰিকেটাৰগৰাকীয়ে ভাৰতৰ হৈ ৪৬খন এদিনীয়া মেচ আৰু ১৩খন টি-২০ মেচ খেলিছে। কেকেআৰৰ হৈ ছবছৰ খেলিছিল। ছয়খন ফ্ৰেঞ্চাইজিৰ বাবে আই পি এল খেলাৰ অভিজ্ঞতা তেওঁৰ আছে।
Continue Reading
