ডিজিটেল ডেস্কঃ শ্ৰীলংকাই যোৱাবাৰ এছিয়া কাপত জয়লাভ কৰিছিল। এইবাৰো ফাইনেলত প্ৰৱেশ কৰে। পাকিস্তানৰ সলনি এইবাৰ ভাৰত। পুনৰ দাছুন ছানাকাৰ হাতত উঠিব নেকি ট্ৰফী? নে এছিয়া কাপ জয় কৰিব ভাৰতে?
খেলখনৰ প্ৰাকক্ষণত শ্ৰীলংকাৰ অধিনায়ক দছুন শানাকাই কয় যে তেওঁলোকে নিজৰ শ্ৰেষ্ঠখিনি দিবলৈ সাজু। তেওঁ লগতে কয় যে বিশ্বকাপৰ পূৰ্বে সঠিক সময়ত শ্ৰীলংকা ফৰ্মলৈ আহিছে।
ভাৰতৰ বিৰুদ্ধে খেলৰ পূৰ্বে শনাকাই কয়- ''বিশ্বকাপৰ ঠিক সময়ত আমি শীৰ্ষ ফৰ্মত আছো। দেশৰ বাবে যৎপৰোনাস্তি দিবলৈ সাজু হৈছে সকলো। আমি আণ্ডাৰডগ হিচাপে খেলিছিলো। সকলোৱে নিজৰ সাধ্য অনুসৰি দলটোক ফাইনেললৈ লৈ গৈছে। একেৰাহে দুবাৰকৈ ফাইনেলত প্ৰৱেশ কৰাটো মুখৰ কথা নহয়। সমৰ্থকৰ পৰা বহু বাৰ্তা পাইছো।’’
তেওঁৰ ভাষাত- "আমি সম্পূৰ্ণ প্ৰস্তুত। খেলপথাৰখন চাই খেলখনৰ প্ৰথম এঘাৰখন হ’ব। সমগ্ৰ প্ৰতিযোগিতাখনত খেলপথাৰে গুৰুত্বপূৰ্ণ ভূমিকা পালন কৰিছিল। আমিও আগৰ মেচবোৰত দলটো একেদৰেই বাছনি কৰিছিলো। ভাৰতৰ বিৰুদ্ধে প্ৰথমে উইকেট ল’ব লাগিব।’’
Continue Reading
