--°C
Loading...
Listen to Article
2 min read
80%
ডিজিটেল ডেস্কঃ আৰু এখন যুদ্ধৰ অশনি সংকেত পোৱা গৈছে কোৰিয়ান উপদ্বীপত। আগ্ৰাসী ৰূপ লৈ এতিয়া যেন উত্তৰ কোৰিয়াৰ শাসক কিম জং উনে দক্ষিণ কোৰিয়া আক্ৰমণৰ বাবে সাজু হৈছে। যিকোনো মুহূৰ্ততে কোৰিয়ান উপদ্বীপত বাজি উঠিব পাৰে ৰণশিঙা। শুকুৰবাৰে উত্তৰ কোৰিয়াৰ প্ৰায় ১৮০ খন যুদ্ধ বিমানে আক্ৰমণাত্মক ৰূপত আকাশত উৰা দেখা যায়।উত্তৰ কোৰিয়াৰ এনে যুদ্ধৰ প্ৰস্তুতি দেখি দক্ষিণ কোৰিয়ায়ো  ৮০ খন যুঁজাৰু বিমান সীমান্তলৈ  প্ৰেৰণ কৰিছে।

দক্ষিণ কোৰিয়াৰ সামৰিক বাহিনীয়ে এক বিবৃতিত কয় যে শুকুৰবাৰে পুৱা ১১ বজাৰ পৰা আবেলি ৩ বজাৰ ভিতৰত কিমৰ সেনাৰ প্ৰায় ১৮০ খন যুঁজাৰু বিমানৰ চলাচল ৰাডাৰত ধৰা পৰিছিল। বিমানবোৰ অত্যন্ত আক্ৰমণাত্মক ভংগীত আছিল। পৰিস্থিতি নিয়ন্ত্ৰণত ৰাখিবলৈ দক্ষিণ কোৰিয়ায়ো ৮০ খন যুঁজাৰু বিমান প্ৰেৰণ কৰে। দক্ষিণ কোৰিয়াৰ যুদ্ধ বিমানৰ  ভিতৰত আমেৰিকা যুক্তৰাষ্ট্ৰৰ পৰা ক্ৰয় কৰা অত্যাধুনিক এফ-৩৫ ষ্টিল্থ ফাইটাৰ জেটো আছে। বিশ্লেষকসকলৰ মতে, দুয়োখন কোৰিয়াৰ মাজত যিধৰণে উত্তেজনা বাঢ়ি আহিছে, ইউক্ৰেইনৰ যুদ্ধৰ পৰিপ্ৰেক্ষিতত বিশ্বই আন এক যুদ্ধৰ সন্মুখীন হ'বলৈ গৈ আছে। যদি এনে হয় আমেৰিকা, চীন, ৰাছিয়াৰ দৰে দেশসমূহ এই যুঁজত জড়িত হৈ পৰাৰ সম্ভাৱনা অতি স্পষ্ট। ফলস্বৰূপে সৃষ্টি হ’ব পাৰে তৃতীয় বিশ্বযুদ্ধ ।

উল্লেখ্য আমেৰিকা  আৰু  দক্ষিণ কোৰিয়াৰ সৈন্যবাহিনীয়ে যোৱা সোমবাৰৰ পৰা 'ভিজিলেণ্ট ষ্টৰ্ম' শীৰ্ষক এক যুটীয়া সামৰিক অনুশীলন আৰম্ভ কৰিছে। দুয়োখন দেশৰ হাজাৰ হাজাৰ সৈন্যই যুদ্ধজাহাজ আৰু যুদ্ধবিমানৰ জৰিয়তে  যুদ্ধৰ কৌশল প্ৰদৰ্শন কৰি আছে। দক্ষিণ কোৰিয়াই দাবী কৰিছে যে এই অনুশীলন প্ৰকৃততে যুদ্ধৰ বাবেই প্ৰস্তুতি।  ৱাশ্বিংটন আৰু চিউলে দ্ৰুতগতিত উপদ্বীপটোক প্ৰৰোচিত কৰি সংঘাতৰ দিশে আগুৱাই নিছে বুলিও অভিযোগ উঠি আহিছে। বুধবাৰে কমিউনিষ্ট কোৰিয়াৰ একনায়ক কিম জং উনৰ সৈন্যবাহিনীয়ে সাগৰত ২৩ টা মিছাইল নিক্ষেপ কৰিছিল। ইয়াৰ প্ৰত্যুত্তৰত দক্ষিণ কোৰিয়াৰ সেনায়ো মিছাইল উৎক্ষেপণ কৰিছিল।

ইফালে, আমেৰিকা যুক্তৰাষ্ট্ৰৰ প্ৰতিৰক্ষা সচিব লয়ড অষ্টিনে পেন্টাগনত দক্ষিণ কোৰিয়াৰ প্ৰতিনিধিৰ সৈতে পৰিস্থিতি পৰ্যালোচনা কৰিবলৈ এখন বৈঠকত মিলিত হৈছে।  তেওঁ উত্তৰ কোৰিয়াৰ মিছাইল উৎক্ষেপণক এক অত্যন্ত দায়িত্বহীন কাৰ্য বুলি অভিহিত কৰিছে। "এনে ধৰণৰ সামৰিক কাৰ্যকলাপে অঞ্চলটোত অস্থিৰতাৰ সৃষ্টি কৰিছে। আমি উত্তৰ কোৰিয়াক আলোচনাৰ মেজলৈ আহিবলৈ আহ্বান জনাইছো"। মন কৰিব লগীয়া যে আমেৰিকা যুক্তৰাষ্ট্ৰ আৰু দক্ষিণ কোৰিয়াই ৫ নৱেম্বৰলৈকে এই অনুশীলন অব্যাহত ৰখাৰ সিদ্ধান্ত লৈছে।

FOLLOW US F
POPULAR
FEATURE
TRENDY
হানীমুনত বাৰ্বিকিউৰ জুইত দগ্ধ নৱবিবাহিতা; দুমাহ জীৱন-মৃত্যুৰে যুঁজি অৱশেষত শেষ নিঃশ্বাস ত্যাগ
অসমৰ পৰা হেৰাই যাবলৈ ধৰিছে ‘গঙা চিলনী’
ক্ষেপণাস্ত্ৰ পৰীক্ষাৰ বাবে জাপানে ব্যৱহাৰ কৰিব ভাৰতৰ ফায়াৰিং ৰেঞ্জ, দ্বিপাক্ষিক প্ৰতিৰক্ষা সম্পৰ্ক শক্তিশালী কৰাৰ লক্ষ্য
ভাৰতৰ সেউজ শক্তিত ৭০০ কোটি ডলাৰ বিনিয়োগ কৰিব এমাজনে
উখল মাখল নলবাৰী; তেৰদিনীয়া বিস্তৃত কাৰ্যসূচীৰে ২৪ নৱেম্বৰৰ পৰা ৰাস মহোৎসৱ
কেৱল মৌখিক নির্দেশত দিয়া নিযুক্তিত কৰ্মচাৰীয়ে লাভ নকৰে পেঞ্চনকে ধৰি অন্যান্য অৱসৰকালীন সা-সুবিধা: গুৱাহাটী উচ্চ ন্যায়ালয়
আজি মুম্বাইত উপস্থিত হ’ব ব্ৰিটেইনৰ ৰাজকুমাৰ উইলিয়াম আৰু ৰাজকুমাৰী কেট; দিল্লীত প্ৰধানমন্ত্ৰী মোদীৰ সৈতে বৈঠক
ৰে’লত টিকট নাই, বিমানৰ টিকটৰো আকাশলংঘী দাম; ২৬ লাখ টকাৰ গাড়ী কিনি ষঠ পূজাৰ বাবে ঘৰলৈ আহিল এজন ব্যক্তি
২০০ মেগাৱাট বিদ্যুৎ পৰিবহণৰ লক্ষ্যৰে নির্মাণ হ’ব ভাৰত-ছিংগাপুৰ বিদ্যুৎ পৰিবাহী কৰিড’ৰ
অজনাৰ নদী চাফা কৰি চৰ্চাত অহা বিট্টু তবাহি অসুস্থ, মানুহে পুনৰ আৱৰ্জনা পেলাই লেতেৰা কৰিছে নদীখন
বাংলাদেশৰ প্রাক্তন প্রধানমন্ত্রী শ্বেখ হাছিনাৰ প্ৰত্যর্পণৰ সকলো আইনী প্রক্রিয়া সম্পূর্ণ কৰিলে ঢাকাই
TVS গ্ৰুপত সম্পত্তিক লৈ ডাঙৰ বিবাদ! ভাতৃৰ সমান অংশীদাৰী বিচাৰি পিতৃলৈ আইনী জাননী প্ৰেৰণ কন্যাৰ
উত্তৰাখণ্ডত দুটাকৈ ভয়ংকৰ দুৰ্ঘটনাত মুঠ ১২ জনৰ মৃত্যু; কেইবাজনো লোক গুৰুতৰভাৱে আহত
চুৰিৰ উদ্দেশ্যে ঘৰত সোমাই পতি-পত্নীক হত্যা; ‘ডাবল মাৰ্ডাৰ’ৰ ঘটনাই কঁপাইছে কনৌজ