ডিজিটেল ডেস্কঃ দেওবাৰে গুজৰাটৰ মৰবি চহৰত এখন ফুট ব্ৰেকিং দলং খহি পৰাৰ ফলত কমেও ১৪১ জন লোকৰ মৃত্যু হয়। স্থানীয় প্ৰশাসনৰ অৱহেলাৰ বাবেই এনে ঘটনা সংঘটিত হোৱা বুলি অভিযোগ উত্থাপন হৈছে ।
মৰবিৰ ওলোমা দলঙৰ দুয়োফালে পানী অগভীৰ আছিল। আৰু সেই পানীৰ তলত এটা কঠিন শিলৰ স্তৰ আছিল। ছট পূজাৰ বাবে দলংখনলৈ অহা তীৰ্থযাত্ৰীসকলে দলঙৰ পৰা পানীত পৰি শিলৰ সেই স্তৰত আঘাত কৰিছিল। উফল স্বৰূপে ইমান বেছি সংখ্যক লোকৰ মৃত্যু ঘটিবলৈ পালে। ৰাষ্ট্ৰীয় দুৰ্যোগ সঁহাৰি বাহিনীৰ (এনডিআৰএফ) মুৰব্বীয়ে গুজৰাটৰ মৰবি দলং দুৰ্ঘটনাত মৃত্যুৰ সংখ্যা বৃদ্ধি হোৱাৰ কাৰণ এনেদৰে ব্যাখ্যা কৰিছে।
দেওবাৰে, ছট পূজাৰ দিনা, ভক্তসকলে গুজৰাটৰ মৰবি চহৰৰ মাচু নদীৰ ওপৰত থকা দলঙত একত্ৰিত হৈছিল। ব্ৰিটিছৰ যুগতে নিৰ্মাণ কৰা দলংখন খহি পৰিছিল। কিয়নো দলংখনে অতিৰিক্ত বোজা বহন কৰিব পৰা নাছিল। ঘটনাটোত ১৪১ জন লোকৰ মৃত্যু হৈছিল। দলংখন খহি পৰাৰ কাৰণ বৰ্ণনা কৰি এন ডি আৰ এফৰ মুৰব্বী ভিভিএন প্ৰসন্ন কুমাৰে এটা সংবাদ প্ৰতিষ্ঠানক দিয়া সাক্ষাৎকাৰত কয় যে দলংখনৰ দুয়োফালৰ পানী মাত্ৰ ১০ ফুট গভীৰ আছিল। আৰু ইয়াৰ তলত এটা কঠিন শিলৰ স্তৰ আছিল। তীৰ্থযাত্ৰীসকলক ওপৰৰ পৰা অতি তীব্ৰ গতিত তললৈ পৰি শিলৰ স্তৰত খুন্দা মাৰিছিল। সেইকাৰণে মৃতকৰ সংখ্যা বৃদ্ধি পাইছে।তেওঁ লগতে কয় যে মাচু নদীৰ মাজৰ অংশৰ গভীৰতাওকম । পানীত কোনো সোঁত নাই।
তেওঁ কয় যে দুৰ্যোগ সঁহাৰি বাহিনীয়ে নদীৰ তলত সহজে উপস্থিত হ'ব পাৰিছিল, কিয়নো নদীৰ অংশটো অগভীৰ আছিল। অৱশ্যে, বোকা পানীৰ বাবে দৃশ্যমানতাৰ সমস্যা হৈছিল। এন ডি আৰ এফৰ মুৰব্বীয়ে এইটোও কৈছিল যে বেছিভাগ তীৰ্থযাত্ৰীৰ মৃতদেহ উদ্ধাৰ কৰা হৈছে। অৱশ্যে, এই দৃশ্যমানতাৰ সমস্যাৰ বাবে,২-৩ জন লোক এতিয়াও সন্ধানহীন হৈ আছে। তেওঁলোকৰ সন্ধান অব্যাহত আছে।
Continue Reading
