ডিজিটেল ডেস্ক : দেশজুৰি ক'ভিডৰ দ্ৰুত সংক্ৰমণৰ মাজতে খুলিছে বিদ্যালয়৷ ক'ভিডসৃষ্ট পৰিৱেশৰ বাবে বিদ্যালয়সমূহ বন্ধ হৈ লাখ লাখ ছাত্ৰ-ছাত্ৰীৰ শৈক্ষিক জীৱনৰ প্ৰতি ভাবুকি আহি পৰিছিল৷ বৰ্তমানেও শংকা কমা নাই যদিও তাৰ মাজতে মহাৰাষ্ট্ৰৰ বিদ্যালয়সমূহ অহা সপ্তাহৰ পৰা সকলো শ্ৰেণীৰ বাবে পুনৰ মুকলি হ'ব বুলি ৰাজ্যখনৰ শিক্ষা মন্ত্ৰীয়ে জানিবলৈ দিয়ে৷ বিদ্যালয়সমূহ খুলিলেও সম্পূৰ্ণ ক'ভিড বিধি মানি চলিব লাগিব বুলি মহাৰাষ্ট্ৰৰ বিদ্যালয় শিক্ষা মন্ত্ৰী বৰ্ষা গাইকাৱাডে কয়৷
২৪ জানুৱাৰীৰ পৰা ক'ভিড বিধিৰ মানি দ্বাদশ শ্ৰেণীৰ বাবে বিদ্যালয়সমূহ পুনৰ খুলিবলৈ লোৱা প্ৰস্তাৱক সমৰ্থন জনাই মুখ্যমন্ত্ৰী উদ্ধৱ থাকৰেয়ে। উল্লেখ্য যে, এই মাহৰ আৰম্ভণিতে মহাৰাষ্ট্ৰ চৰকাৰে ৰাজ্যখনত বিদ্যালয়সমূহ ১৫ ফেব্ৰুৱাৰীলৈকে বন্ধ ৰখাৰ কথা ঘোষণা কৰিছিল৷ অ'মিক্ৰন প্ৰভাৱৰ লগতে ডিচেম্বৰৰ পৰা কৰ’না ভাইৰাছ ৰোগীৰ সংখ্যা বৃদ্ধি পাইছিল।
মহাৰাষ্ট্ৰত বুধবাৰে ৪৩,৬৯৭টা নতুন কৰ’না ভাইৰাছ পজিটিভ ধৰা পৰিছে৷ যি আগৰ দিনতকৈ ১০ শতাংশ অধিক, যাৰ ভিতৰত আছে ২১৪টা অ'মিক্ৰন সংক্ৰমণ আৰু লগতে ৪৯টা মৃত্যু হোৱা দেখা গৈছে বুলি স্বাস্থ্য বিভাগে কয়।
Continue Reading
