দশেৰাত কোনো ঠাইত ৰাণৱ দাহন কৰাৰ বিপৰীতে অন্য কোনো স্থানত আকৌ ৰাৱণ পূজন কৰা হয়, জানো আহক সবিশেষ

ডিজিটেল ডেস্ক : দশেৰা দিনটোতে ভগৱান ৰামে অহংকাৰী ৰাৱণক বধ কৰে। আন এটা বিশ্বাস অনুসৰি এই দিনটোতে চামুন্দেশ্বৰী দেৱীয়ে মহিষাসুৰক বধ কৰিছিল। সত্য ওপৰত অসত্য জয়ৰ কাৰণেই সমগ্ৰ দেশতে দশেৰা উৎসৱ অতি ধুমধামেৰে পালন কৰা হয় আৰু ৰাৱণৰ প্ৰতিমূৰ্তি নিৰ্মাণ কৰি ঠায়ে ঠায়ে ৰাৱণ দাহন কৰাও পৰম্পৰা আছে। প্ৰত্যেক ঠাইতে দশেৰা উদযাপনৰ পৰম্পৰা বেলেগ বেলেগ যদিও কোনো কোনো ঠাইত সম্পূৰ্ণ বেলেগ ধৰণেৰে দশেৰা উৎসৱ পালন কৰা হয়।

 মধ্যপ্ৰদেশৰ মন্দসৌৰত দুশেৰাক এক অন্য ধৰণে উপস্থাপন কৰা হয়। ইয়াত ৰাৱণ দাহ কৰাৰ সলনি ৰাৱণক পূজা কৰা হয়। আচলতে ৰাৱণৰ পত্নী আৰু লংকাৰ ৰাণী মন্দোদৰী মন্দসৌৰৰ বাসিন্দা আছিল বুলি বিশ্বাস কৰা হয়। এই কাৰণে আজিও ইয়াত মানুহে ৰাৱণক জোঁৱায়েকৰ মৰ্যাদা দি পূজা কৰে। নামদেৱ সমাজৰ ৰাইজে ৰাৱণক পূজা কৰে। নামদেৱ সমাজৰ নাৰীসকলে ৰাৱণক জোঁৱাই বুলি গণ্য কৰে আৰু তেওঁৰ মূৰ্তিৰ সন্মুখত ওৰণি পৰিধান কৰে। বহুতে ৰাৱণৰ ভৰিত সূতা বান্ধি ৰোগ নিৰাময় কৰে।

 আনহাতে, মহীশূৰত অতি বিশেষভাৱে উদযাপন কৰা হয় দশেৰা। ইয়াত দশেৰাক নাধব্বা বোলা হয়। মহীশূৰৰ ৰাজপৰিয়ালে দশেৰা উপলক্ষে বিশেষ অনুষ্ঠান আয়োজন কৰে। মহীশূৰত ৰাজপ্ৰসাদৰ পৰা বন্নীমণ্ডপলৈ দশেহৰা ৰাইড উলিওৱা হয়। উট, হাতী, ঘোঁৰা আৰু বহুতো নৃত্যশিল্পীয়ে এই ৰাজকীয় যাত্ৰাত সংগ দিয়ে। ইয়াত চামুন্দেশ্বৰী দেৱীক পূজা কৰা নহয় ৰাৱণৰ পূজা কৰা হয়। দশেহৰৰ দিনা দেৱীয়ে মহিষাসুৰক বধ কৰিছিল বুলি বিশ্বাস কৰা হয়। মহীশূৰত এনেদৰে দশেৰা উদযাপনৰ আৰম্ভণি ১৫ শতিকাত আৰম্ভ হৈছিল।