ডিজিটেল ডেস্ক: বছৰটোৰ এখন অন্যতম বহু প্ৰত্যাশিত ছিকুৱেল ছবি ‘পুষ্পা ২: দা ৰুল’ৰ ১৭ নৱেম্বৰ তাৰিখে পাটনাত ট্ৰেইলাৰ মুকলি কৰে৷ আল্লু অৰ্জুন আৰু ৰশ্মিকা মন্দনা অভিনীত ছবিখনৰ ট্ৰেইলাৰ মুকলি হোৱাৰ লগে লগে দৰ্শকৰ বিপুল সঁহাৰি লাভ কৰিছে৷ ইতিমধ্যে ভাৰতীয় চিনেমাত সৰ্বাধিক দৰ্শন কৰা লাইভ ট্ৰেইলাৰৰ ৰেকৰ্ড স্থাপন কৰিছে‘পুষ্পা ২: দা ৰুল’ৰ ট্ৰেইলাৰে।
প্ৰসিদ্ধ পৰিচালক এছ এছ ৰাজামৌলীয়ে সামাজিক মাধ্যমত এটা প’ষ্টৰ জৰিয়তে আল্লু অৰ্জুনৰ ‘পুষ্পা ২: দা ৰুল’ৰ ট্ৰেইলাৰৰ প্ৰতি প্ৰশংসা প্ৰকাশ কৰিছে৷ ইয়াৰোপৰি বহু চেলিব্ৰিটিয়েও পুষ্পা ২ৰ ট্ৰেইলাৰৰ প্ৰতি প্ৰশংসাৰে উপচাই পেলাইছে৷
উল্লেখযোগ্য যে ‘পুষ্পা ২: দা ৰুল’, পৰিচালক চুকুমাৰে ছুবিখনৰ প্ৰথম অংশত যি দৰে আল্লু অৰ্জুনৰ শক্তিশালী অভিনয় তথা কলা-কৌশলৰ দ্বাৰা দৰ্শকৰ জনপ্ৰিয়তা অৰ্জন কৰিবলৈ সক্ষম হৈছিল ছবিখনৰ দ্বিতীয় অংশ পুষ্পা ২: দা ৰুলেও দৰ্শকৰ দুগুণ সমাদৰ লাভ কৰিব বুলি আশা প্ৰকাশ কৰিছে৷
‘পুষ্পা ২: দা ৰুল’ ট্ৰেইলাৰ মুকলি হোৱাৰ পাছতে দৰ্শকৰ মাজত যি উত্তেজনা পৰিলক্ষিত হ’ল, ইয়াৰ পৰা এইটো স্পষ্ট হৈ পৰিছে যে দৰ্শকসকল ছবিখনৰ মুক্তিৰ বাবে অধীৰ আগ্ৰহেৰে অপেক্ষা কৰি আছে !
Continue Reading
