ডিজিটেল ডেস্কঃ আই পি এলত সৰ্বাধিক ৰান সংগ্ৰহৰ দৌৰত বিদেশী খেলুৱৈক অতিক্ৰম কৰি শীৰ্ষত আছে ভাৰতীয় বেটাৰসকল। শীৰ্ষ দহৰ ভিতৰত ছয়জন বিদেশী বেটাৰ আছে। বলাৰৰ তালিকাতো ভাৰতীয় খেলুৱৈয়ে আধিপত্য বিস্তাৰ কৰিছে। কমলা ৰঙৰ টুপীৰ তালিকাত ৰছিদ খানৰ বাহিৰে আন কোনো বিদেশী বলাৰ নাই।
বেটছমেনৰ তালিকাৰ শীৰ্ষত আছে ফাফ ডু প্লেছিছ। ইতিমধ্যে ৰয়েল চেলেঞ্জাৰছ বাংগালুৰুৰ অধিনায়কগৰাকীয়ে ৬৩১ ৰান সংগ্ৰহ কৰিছে। দ্বিতীয় স্থানত আছে শুভমন গীল। তেওঁ সংগ্ৰহ কৰিছে ৫৭৬ ৰান। তৃতীয় স্থানত আছে যশস্বী জয়ছৱাল। তেওঁ ৫৭৫ ৰান সংগ্ৰহ কৰিছে। ৪৯৮ ৰানেৰে চতুৰ্থ স্থানত আছে ডেভন কনৱে।
কমলা ৰঙৰ টুপীৰ দৌৰত ভাৰতীয় খেলুৱৈয়েই যুঁজ দিছে। ২৩টা উইকেটৰে যুটীয়াভাৱে শীৰ্ষত আছে আফগানিস্তানৰ ৰছিদ খান আৰু মহম্মদ ছামী। দুয়োজনেই গুজৰাট টাইটানছত আছে। ৰছিদৰ বাহিৰে শীৰ্ষ পাঁচৰ ভিতৰত আছে কেৱল ভাৰতীয় বলাৰ। তিনি নম্বৰত আছে ৰাজস্থান ৰয়েলছৰ য়ুজভেন্দ্ৰ চাহাল। তেওঁ ২১টা উইকেট দখল কৰিছে।
