ডিজিটেল ডেস্কঃ ডুবাইৰ এটা বাসগৃহত ভয়ংকৰ অগ্নিকাণ্ড সংঘটিত হৈছে। শনিবাৰে বিয়লি (স্থানীয় সময় অনুসৰি) এই ঘটনাত কমেও ১৬ জন লোকৰ মৃত্যু হয়। ইয়াৰ ভিতৰত কেৰালাৰ এজন ভাৰতীয়কে ধৰি চাৰিটা দম্পতী আছে। সংবাদ সংস্থাটোৱে জনায় যে ৯ জন লোকো আহত হৈছে।
ডুবাইৰ অন্যতম পুৰণি অঞ্চল আল ৰাছৰ এটা ওখ ঘৰৰ ৪ৰ্থ মহলাত অগ্নিকাণ্ড সংঘটিত হয়। এক মুহূৰ্তৰ ভিতৰতে চাৰিওফালৰ অঞ্চললৈ জুই বিয়পি পৰে। এই খবৰ পোৱাৰ লগে লগে সেই স্থানলৈ আহিল সুৰক্ষা বাহিনী। দুঘণ্টামানৰ পাছতে জুই নিয়ন্ত্ৰণলৈ আনে।
ডুবাইৰ ইংৰাজী কাকত "গালফ নিউজ"ত প্ৰকাশিত বাতৰি অনুসৰি, ডুবাই পুলিচ মৰ্গত উপস্থিত থকা ভাৰতীয় সমাজকৰ্মী নাছিৰ ভটনাপল্লীয়ে কয় যে এই অগ্নিকাণ্ডত ৪ জন ভাৰতীয়ৰ মৃত্যু হৈছে। ৪ জন লোককেই চিনাক্ত কৰা হৈছে। তাৰ ভিতৰত কেৰালাৰ এহাল দম্পতী আছে। বাকী ২ জন তামিলনাডুৰ বাসিন্দা। সেই বহুমহলীয়া কামত তেওঁলোকে কাম কৰি আছিল। নাছিৰে লগতে কয় যে ৪ জন ভাৰতীয়ৰ উপৰি ৩ জন পাকিস্তানী আৰু এগৰাকী নাইজেৰিয়ান মহিলাৰ মৃত্যু হৈছে।
ডুবাই অসামৰিক প্ৰতিৰক্ষা বিভাগৰ এটা দলে এই স্থান পৰিদৰ্শন কৰে। তেওঁলোকৰ মতে, প্ৰাৰম্ভিক তদন্তত কোৱা হৈছে যে সেই বহুমহলীয়া অট্টালিকাটোত কোনো উপযুক্ত নিৰাপত্তা ব্যৱস্থা নাছিল। অগ্নিকাণ্ডৰ কাৰণ জানিবলৈ তদন্তৰ নিৰ্দেশ দিয়া হৈছে।
Continue Reading
