ডিজিটেল ডেস্কঃৰাছিয়া-ইউকক্ৰেইনৰ যুদ্ধৰ লগতে আন কেইবাটাও ৰাজনৈতিক অস্থিৰতাৰ মাজতে আজি দুদিনীয়া চৰকাৰী ভ্ৰমণসূচীলৈ ভাৰতলৈ আহি আছে কানাডাৰ বৈদেশিক মন্ত্ৰী মেলানিয়া জলী। জলীয়ে সোমবাৰে ভাৰতৰ বৈদেশিক মন্ত্ৰী এছ জয়শংকৰৰ সৈতেবৈঠকত মিলিত হ’ব বুলি জানিব পৰা গৈছে।
ভাৰত চৰকাৰৰ এগৰাকী মুখপাত্ৰই প্ৰকাশ কৰা মতে আলোচনাকালত নানান দ্বিপাক্ষিক বিষয়ে স্থান লাভ কৰিব। আলোচনাত দ্বিপাক্ষিক সম্পৰ্ক বৃদ্ধিৰ উপায়ৰ উপৰি অঞ্চলটোত চীনৰ বৰ্ধিত সামৰিক আশংকাৰ বিষয়ে অগ্ৰাধিকাৰ পাব বুলি ভবা হৈছে ।
দুয়োপক্ষই ভাৰত-প্ৰশান্ত মহাসাগৰত সহযোগিতাৰ বিষয়ত গুৰুত্ব দিব বুলিও আশা কৰা হৈছে। কানাডাৰ ভাৰত-প্ৰশান্ত মহাসাগৰীয় ৰণনীতিয়েও ভাৰতক অঞ্চলটোৰ এক গুৰুত্বপূৰ্ণ দেশ হিচাপে তালিকাভুক্ত কৰিছে ।ইপিনে ফিজিৰ উপ-প্ৰধানমন্ত্ৰী বিমান প্ৰসাদেও আজিৰে পৰা ছয় দিনীয়া ভাৰত ভ্ৰমণ কৰি আছে।
Continue Reading
