দুই যুৱতীৰ প্ৰেম কাহিনী ‘ খাত্ৰা: ডেঞ্জাৰাছ’, শীঘ্ৰেই শুভমুক্তিৰ দিশে

ডিজিটেল ডেস্ক: এটি প্ৰেম কাহিনী৷ সাধাৰণতেই প্ৰেমিক যুগল বুলিলে এগৰাকী নাৰী আৰু এজন যুৱকৰ প্ৰেমগাথাৰ কথা মনলৈ আহে৷ কিন্তু অন্য এক প্ৰেমৰ বাৰ্তা লৈ আহি আছে এখন ছবি৷ সেইখন হৈছে দুই যুৱতীৰ সমকামী প্ৰেমৰ কাহিনী৷ ভাৰতত প্ৰথমবাৰৰ বাবে সমকামী প্ৰেমকাহিনীৰ আধাৰত নিৰ্মাণ হৈছে এখন ছবি৷ পৰিচালক ৰাম গোপাল বৰ্মাৰ আটাইতকৈ বিতৰ্কিত ছবি ‘খাত্ৰা: ডেঞ্জাৰাছ’ নিৰ্মাণ হৈছে সমকামী প্ৰেমকাহিনীৰ আধাৰত৷ অৱশেষত ৮ এপ্ৰিলত ছবিগৃহত মুক্তি পাব ‘খাত্ৰা: ডেঞ্জাৰাছ’ ছবিখনে। অন্য ছবিতকৈ পৃথক আৰু মহিলাৰ সমকামী প্ৰেমকাহিনীয়ে আকৰ্ষণ কৰিছে বহুজনক৷ চলচ্চিত্ৰখন চেঞ্চৰ বোৰ্ডৰ দ্বাৰা গৃহীত হোৱাৰ বাবে গভীৰ অপেক্ষাৰত আছিল৷ অৱশেষত 'এ' প্ৰমাণপত্ৰ থকা ছবিখন চেঞ্চৰ বোৰ্ডে কৰিলে পাছ। ৰাম গোপাল বৰ্মাই ছবিখনৰ পোষ্টাৰত মুক্তিৰ দিন টুইটাৰত শ্বেয়াৰ কৰিছিল। এক শেহতীয়া সাক্ষাৎকাৰত ৰাম গোপাল বৰ্মাই কৈছিল যে ‘খাত্ৰা: ডেঞ্জাৰাছ’ ছবিখনৰ বাবে বহু আশাবাদী৷ কিয়নো দুগৰাকী মহিলাৰ মাজত প্ৰেমকাহিনীৰে নিৰ্মাণ কৰা হৈছে ছবিখন৷ উল্লখ্য যে, ৩৭৭ ধাৰা বাতিল কৰাৰ পাছত সমকামী সম্পৰ্কক বৈধতা বুলি মানি লোৱা হৈছিল দেশখনত। এইখন প্ৰথম ভাৰতীয় সমকামীপ্ৰেমৰ চলচ্চিত্ৰখন! যিয়ে ‘এ’ প্ৰমাণ-পত্ৰ লাভ কৰাত মই অতি সুখী, যদি ই ‘এ’ প্ৰমাণ-পত্ৰ নাপালে মই বহুত হতাশ হ’লোহেঁতেন।’ ইতিমধ্যেই এই ছবিখনৰ বেনাৰ-পোষ্টাৰে ইতিমধ্যেই দৰ্শকৰ মাজত সৃষ্টি কৰিছে উৎসুকতাৰ৷ ভাইৰেল হৈ পৰিছে ছবিখনৰ বিষয়বস্তুও৷ বহুজনে ইয়াৰ ওপৰত মন্তব্যও প্ৰকাশ কৰিছে৷ এই ছবিখনৰ বাবে অপেক্ষাৰত ছবিপ্ৰেমীসকল৷