ডিজিটেল ডেস্কঃ দূৰন্ত ছন্দত আছে কুলদীপ যাদৱ। এছিয়া কাপৰ ছুপাৰ ফোৰৰ দুখন মেচতে ৯টাকৈ উইকেট দখল কৰিছে। এছিয়া কাপৰ ফাইনেলত ভাৰতৰ প্ৰৱেশত মুখ্য ভূমিকা পালন কৰিছিল কুলদীপে।
শেহতীয়াকৈ শ্ৰীলংকাৰ বিৰুদ্ধে মেচখনত কুলদীপে এক নজিৰ গঢ়ি তুলিলে। এদিনীয়া মেচত ১৫০টা উইকেট দখল কৰা ভাৰতীয় স্পিনাৰৰ ভিতৰত সৰ্বাধিক দ্ৰুততম স্পিনাৰ হিচাপে তেওঁ অনিল কুম্বলেৰ অভিলেখ ভংগ কৰে৷
৮৮ সংখ্যক খেলত কুলদীপে ১৫০টা উইকেট দখল কৰে। ১৫০ উইকেট দখল কৰিবলৈ কুম্বলে ১০৬খন খেলৰ প্ৰয়োজন হৈছিল। সেই অভিলেখ ভংগ কৰিলে কুলদীপে।
ভাৰতৰ উপৰিও বিশ্বৰ স্পিনাৰৰ ভিতৰত কুলদীপে সৰ্বনিম্ন মেচত ১৫০টা উইকেট দখল কৰি চতুৰ্থ স্থানত আছে। এই তালিকাৰ প্ৰথম স্থানত আছে পাকিস্তানৰ ছাকলিন মুস্তাক। ৭৮খন মেচত ১৫০টা উইকেট দখল কৰে তেওঁ। দ্বিতীয় স্থানত আছে আফগানিস্তানৰ ৰছিদ খান। ১৫০টা উইকেট দখল কৰিবলৈ ৮০খন মেচৰ প্ৰয়োজন হৈছিল ৰছিদৰ। তিনি নম্বৰত আছে শ্ৰীলংকাৰ অজন্তা মেণ্ডিছ। ৮৪খন মেচত ১৫০টা উইকেট দখল কৰে তেওঁ। তাৰ পাছতে আছে কুলদীপ। দক্ষিণ আফ্ৰিকাৰ ইমৰাণ তাহিৰে ৮৯খন খেলত ১৫০ উইকেটৰে পঞ্চম স্থানত আছে৷
সৰ্বনিম্ন মেচত ১৫০টা উইকেট দখল কৰা দ্বিতীয়জন ভাৰতীয় বলাৰ কুলদীপ। তেওঁৰ আগত আছে মহম্মদ ছামী। ভাৰতীয় পেচাৰগৰাকীয়ে ৮০খন মেচত ১৫০টা উইকেট দখল কৰিছে। কুলদীপে এই বছৰ ১৫খন এদিনীয়াত ৩১টা উইকেট দখল কৰিছে, যিটো ভাৰতীয় বলাৰৰ ভিতৰত সৰ্বাধিক উইকেট।
Continue Reading
