ডিজিটেল ডেস্কঃ ছলমান খান আৰু ঐশ্বৰ্য ৰায় – এতিয়াও তেওঁলোকৰ সম্পৰ্কক লৈ চৰ্চা চলে। ২০০২ চনতে তেওঁলোকৰ বিচ্ছেদ ঘটে। তাৰপাছৰে দুয়োকে একেলগে ক’তো দেখা পোৱা হোৱা নাছিল. কিন্তু এইবাৰ এক অভাৱনীয় ঘটনা ঘটিল। এটা ফ্ৰেমতে ছলমান খান আৰু ঐশ্বৰ্য ৰায় বচ্চনক দেখা গ’ল। ছবিখন নিমিষতে বিয়পি পৰিল।
এই মুহূৰ্তত মায়ানগৰী জিলিকি উঠিছে। নীতা মুকেশ আম্বানী সাংস্কৃতিক কেন্দ্ৰ উদ্বোধন হৈছে। তাতেই আবিৰ্ভাৱ হ’ল সমগ্ৰ বলীউডৰ তাৰকা। শ্বাহৰুখ, ছলমানৰ পৰা আৰম্ভ কৰি প্ৰিয়ংকা, আলিয়া, ৰজনীকান্ত, হেমা মালিনী... নতুন প্ৰজন্মৰ পৰা পুৰণিলৈকে তাত সকলো আছিল।
কন্যা আৰাধ্যাৰ সৈতে উপস্থিত হয় ঐশ্বৰ্যও। গাঢ় সেউজীয়া চুৰিদাৰত মেচিং ড্ৰেছ পিন্ধি ঐশ্বৰ্যই ৰূপত জেউতি চৰালে। চিৰকুমাৰ ছলমানে সেউজীয়া চুট পিন্ধি তাত উপস্থিত হয়৷
অনুষ্ঠানটোৰ এখন ছবি ছ’চিয়েল মিডিয়াত বৰ্তমান ভাইৰেল হৈছে। তাত দেখা যায় যে শ্বাহৰুখ-ছলমানে নীতা আম্বানীৰ সৈতে ফটো তুলিছে। তেওঁৰ লগত আছে অভিনেতা টম হলাণ্ড আৰু তেওঁৰ প্ৰেমিকা।
সেই ছবিখনত নেটিজেনে ঐশ্বৰ্যক বিচাৰি পাইছে। ছলমানে ফটো তুলি থকা ঠাইৰ পৰা অলপ দূৰৈত এখন টেবুলৰ ওচৰত জীয়েক আৰাধ্যাৰ সৈতে থিয় হৈ আছে ঐশ্বৰ্য। এই ছবিখন দেখাৰ পিছত কোনোবাই মন্তব্য কৰিলে, "মই বিশ্বাস কৰিব পৰা নাই, এটা ফ্ৰেমতে ছলমান-ঐশ্বৰ্য!"
Continue Reading
