ডিজিটেল ডেস্কঃ দ্বাদশ শ্ৰেণীৰ এগৰাকী ছাত্ৰীয়ে জন্ম দিলে সন্তান। ছত্তীশগড়ৰ দক্ষিণ বাষ্টাৰৰ বিজাপুৰ জিলাৰ গংগালুৰত পৰিচালিত আৱাসিক বিদ্যালয় পৰ্টা কেবিনত দ্বাদশ শ্ৰেণীত অধ্যয়নৰত ছাত্ৰীগৰাকীয়ে সন্তান জন্ম দিলে। এই খবৰৰ পিছতে অঞ্চলটোত তীব্ৰ চাঞ্চল্যৰ সৃষ্টি হৈছে।
বিষয়টোৰ তথ্য পোৱাৰ লগে লগে জিলা শিক্ষা বিষয়া বি.আৰ. বাঘেলে গংগালুৰলৈ ৰাওনা হৈছে। মন কৰিবলগীয়া কথাটো হ’ল আৱাসিক বিদ্যালয়ত পঢ়ি থকা ছোৱালীজনীৰ গৰ্ভধাৰণৰ বিষয়ে বিদ্যালয়খনৰ কোনো কৰ্মচাৰীয়ে গম পোৱা নাছিল। এই বিষয়ে তথ্য পোহৰলৈ আহে যেতিয়া বিদ্যালয়ৰ ল’ৰা-ছোৱালীয়ে দ্বাদশ শ্ৰেণীৰ ছাত্ৰগৰাকীৰ পেটৰ বিষৰ বিষয়ে কৰ্মচাৰীসকলক অৱগত কৰে।
ছাত্ৰীগৰাকীক চিকিৎসালয়লৈ নিয়াৰ সময়ত গৰ্ভৱতী হোৱা বুলি ধৰা পৰে। ইয়াৰ কিছু সময়ৰ পিছতে ছাত্ৰীগৰাকীয়ে প্ৰসৱ কৰে, য’ত তেওঁ এটা সন্তান জন্ম দিয়ে। গংগালুৰত অৱস্থিত এখন আৱাসিক বিদ্যালয়ৰ এগৰাকী ছাত্ৰীৰ গৰ্ভধাৰণৰ গোচৰ পোহৰলৈ অহাৰ পিছত এতিয়া সমগ্ৰ জিলাখনত চলি থকা আৱাসিক বিদ্যালয়সমূহৰ ব্যৱস্থাক লৈ প্ৰশ্ন উত্থাপন হৈছে। একে সময়তে দায়িত্বশীল বিষয়াসকলেও যেন সমগ্ৰ বিষয়টোৰ উত্তৰ দিয়াৰ পৰা বিৰত আছে।
ছাত্ৰীগৰাকী আৰু নৱজাতকটি চিকিৎসালয়ত চিকিৎসকৰ তত্বাৱধানত আছে। হোষ্টেলৰ অধীক্ষক অংশু মিঞ্জক নিলম্বন কৰা হৈছে। কামৰ গাফিলতিৰ বাবে তেওঁক নিলম্বন কৰিছে বিজাপুৰৰ কালেক্টৰে।
Continue Reading
