ডিজিটেল ডেস্ক: ভাৰত-নিউজিলেণ্ডৰ মাজৰ তিনিদিনীয়া এদিনীয়া শৃংখলাৰ দ্বিতীয়খন মেচত ৮ উইকেটত জয়ী হয় ভাৰত৷ মহম্মদ শ্বামীৰ নেতৃত্বত উৎকৃষ্ট বলিঙৰ ভিত্তিত ভাৰতে প্ৰথমে নিউজিলেণ্ডক ১০৮ ৰাণতে অল আউট কৰে। তাৰ পাছত ৰোহিত শৰ্মা আৰু শুভমন গীলে চমকপ্ৰদ বেটিঙে দলটোক ৮ উইকেটত বৃহৎ জয় প্ৰদান কৰে।
৫০ টা বলত ৫১ ৰাণ সংগ্ৰহ কৰি আউট হয় ৰোহিত শৰ্মা। ৭টা চাৰি আৰু ২টা ছয় মাৰে। গীলৰ সৈতে প্ৰথম উইকেটত ১৪.২ অভাৰত ৭২ ৰাণ সংযোজন কৰে। ইয়াৰ লগে লগে টীম ইণ্ডিয়াই ২০২৩ বৰ্ষৰ একেৰাহে তৃতীয় শৃংখলাতো জয়লাভ কৰিছে। দ্বিতীয়খন এদিনীয়াত জয়লাভ কৰি ভাৰতীয় দলটোৱে শৃংখলাত ২-০ অপ্ৰতিৰোধ্য অগ্ৰগতি লাভ কৰিছে। ইয়াৰ পূৰ্বে ভাৰতে চলিত বৰ্ষত শ্ৰীলংকাৰ বিৰুদ্ধে টি-২০ আৰু এদিনীয়া শৃংখলাও জয় কৰিছিল।
নিউজিলেণ্ডৰ বিৰুদ্ধে ঘৰুৱা ক্ষেত্ৰত ভাৰতৰ আকৰ্ষণীয় প্ৰদৰ্শন অব্যাহত আছে। ভাৰতে একেৰাহে ৭ সংখ্যক দ্বিপাক্ষিক এদিনীয়া শৃংখলাত জয়লাভ কৰে। ভাৰতত দুয়োটা দলৰ মাজত এইখন সপ্তম শৃংখলাও। অৰ্থাৎ টীম ইণ্ডিয়াই কোনো শৃংখলাত পৰাস্ত হোৱা নাই। শৃংখলাৰ তৃতীয় আৰু অন্তিমখন এদিনীয়া ২৪ জানুৱাৰীত ইন্দোৰত অনুষ্ঠিত হ’ব। নিউজিলেণ্ড এদিনীয়াৰ ১ নম্বৰৰ দল, কিন্তু বৰ্তমানৰ শৃংখলাত নিউজিলেণ্ডৰ প্ৰদৰ্শন ভাল হোৱা নাই।
আজি বিৰাট কোহলীয়ে কোনো বিশেষ প্ৰদৰ্শন কৰিব নোৱাৰিলে। ৯টা বলত ১১ ৰাণ সংগ্ৰহ কৰি ছাণ্টনাৰৰ বলত ষ্টাম্প আউট হয় কোহলী। ৫৩টা বলত ৪০ ৰাণ সংগ্ৰহ কৰি আউট নহ’ল শুভমন গীল আৰু ৬টা চাৰি মাৰিলে। ঈশান কিষানেও ৯টা বলত ৮ ৰাণ সংগ্ৰহ কৰি অপৰাজিত হৈ থাকে। ভাৰতে ২০.১ অভাৰত ২ উইকেটৰ বিনিময়ত ১০৯ ৰাণৰ লক্ষ্য অৰ্জন কৰে। প্ৰথমখন মেচত গীলে একেৰাহে দ্বৈত শতক জয় কৰাত গুৰুত্বপূৰ্ণ ভূমিকা পালন কৰিছিল।
Continue Reading
