ডিজিটেল ডেস্কঃ দেশত এতিয়া ভিন্ন ঘটনা তথা পৰিবেশকলৈ ছবি নিৰ্মাণ হৈ আছে। পৰিচালক বিবেক অগ্নিহোত্ৰীৰ 'দ্য কাশ্মীৰ ফাইলছ'-এ দেশত এক আলোড়নৰ সৃষ্টি কৰিছিল। বঙালী পৰিচালক সুদীপ্ত সেনৰ 'দ্য কেৰালা ষ্টৰী'য়েও ৰাজনৈতিক মহলত একপ্ৰকাৰৰ ধুমুহাৰ সৃষ্টি কৰিছিল।
ইয়াৰ মাজতে এইবাৰ আন এক বিতৰ্কিত ঘটনাকলৈ ছবি নিৰ্মাণ হ’ব। বিষয়টো হৈছে গোধৰা। পৰিচালক এম.কে. শিৱাক্ষই পৰ্দাত আন এটা বিতৰ্কিত বিষয়কলৈ এই ছবি খন নিৰ্মাণ কৰিছে। পৰিচালকজনে ২০০২ চনৰ গোধৰা কাণ্ডৰ আঁৰৰ কাহিনীটো পৰ্দালৈ লৈ আহিছে। ছবিখনৰ টিজাৰ শেহতীয়াকৈ মুক্তি দিয়া হৈছিল। ষড়যন্ত্ৰ নে দুৰ্ঘটনা?
পৰিচালক শিৱক্ষই এই প্ৰশ্নটো 'গোধৰা'ত উত্থাপন কৰিছে।'দ্য কাশ্মীৰ ফাইলছ' আৰু 'দ্য কেৰালা ষ্ট'ৰী'ৰ মুক্তিৰ পিছত বহুতে এই ছবি খনক লৈ চৰ্চা আৰম্ভ কৰিছে। আগৰ ছবি দুখনক বহুতে বিজেপিৰ প্ৰচাৰ বাবে নিৰ্মাণ কৰা ছবি বুলি লেবেল লগাই দিছিল। কিন্তু গোধৰা ছবি খন কিছু ভিন্ন হ’ব বুলি পৰিচালকে কৈছে।
পৰিচালক এম.কে. শিৱাক্ষই কয় "মোৰ ছবিখন একেবাৰে প্ৰচাৰ মূলক চলচ্চিত্ৰ নহয়। কল্পকাহিনীও নহয়। চলচ্চিত্ৰখন গোধৰাৰ ঘটনা সন্দৰ্ভত নানাৱতী-শ্বাহ মেহতা আয়োগৰ পৰা লাভ কৰা তথ্যৰ ওপৰত আধাৰিত। "উল্লেখ্য বিবিচিয়ে গোধৰাৰ প্ৰসংকলৈ নিৰ্মাণ কৰা এখন ডকুমেণ্টৰী চৰকাৰে নিষিদ্ধ কৰিছে। বিবিচিৰ ডকুমেণ্টৰী খনত মোদীক গোধৰা কাণ্ডৰ বাবে এক প্ৰকাৰ জগৰীয়া কৰা হৈছিল।
Continue Reading
