ডিজিটেল ডেস্ক: আজি ৰাজ্যজুৰি শুভ মুক্তিলাভ কৰিলে নতুন অসমীয়া ছবি "ডেউকা"৷ এ.এম টেলিভিছনৰ বেনাৰত নিৰ্মান কৰা হৈছে এই ছবিখন ৷গুৱাহাটীৰ অনুৰাধা ছবিগৃহত শুকুৰবাৰৰ প্ৰথম দৰ্শনীত দেখিবলৈ পোৱা গ’ল ৰাইজৰ বিপূল সঁহাৰি ৷
অনুৰাধা ছবিগৃহত প্ৰথম দৰ্শনীত ছবি খন উপভোগ কৰে ছবিখনত অভিনয় কৰা কলা কুশলী সকলৰ লগতে দৰ্শকসকল ৷ ছবিখনৰ জৰিয়তে ৰাইজক উদ্দেশ্যি সমাজৰ বাবে এটা ভাল বাৰ্তা দিয়াৰ প্ৰচেষ্টা৷ দর্শকে ছবিখন আঁকোৱালি লব বুলি আশাবাদী ছবিখনৰ লগত জড়িত কলা কুশলী সকল ৷
এ.এম টেলিভিচনৰ বেনাৰত ড° সঞ্জীৱ নাৰায়ণে প্ৰযোজনা কৰা এই ছবিখনৰ পৰিচালনা কৰিছে জিন্নি মহলীয়া যশী। চিত্ৰনাট্য অৰুণজিৎ বৰাৰ আৰু সংলাপ লিখিছে ৰাজদ্বীপে। সম্পাদনা কৰিছে ৰূপাংকৰ দাসে। বেকগ্ৰাউণ্ড স্কৰ আৰু চাউণ্ড ডিজাইন কৰিছে লিয়'ন শৰ্মাই। গীতবোৰৰ কথা ৰাজদ্বীপ আৰু প্ৰসেনজিতৰ।
দেৱজিৎ ভট্টাচাৰ্য, ৰিচা চেত্ৰী, চেতনা দাস, কল্পনা কলিতা, দেৱজিৎ পল, বৰ্ষা দাস, মৃণাল দাউলাগুফু, ভায়লিনা বৰুৱা, মৌনিতা বৰা, মনালিছা দাস, সীমাশ্ৰী বৰা, দীপক কুমাৰ ৰয়ৰ লগতে ৰূপম বৰুৱাই ছবিখনৰ কেইবাটাও গুৰুত্বপূৰ্ণ চৰিত্ৰত অভিনয় কৰিছে। আনহাতে, দীনেশ দাস, নিশিতা গোস্বামী, বৰ্ণালী পূজাৰী, বিকি, ৰূপজ্যোতি দাস, অৰুণজিৎ বৰা, ড° হিতেশ বৰুৱা আৰু ভাস্কৰজ্যোতিক আলহী অতিথিৰ ৰূপত এই ছবিখনত দৰ্শকে দেখিবলৈ পাব। ছবিখনৰ দৃশ্যগ্ৰহণ কৰিছে বিতুল দাসে।
Continue Reading
