ডিজিটেল ডেস্কঃ ছাৰ্বিয়ান মডেল তথা অভিনেত্ৰী নাটাছা ষ্টেনকভিচৰ সৈতে বিবাহপাশত আৱদ্ধ হৈছিল হাৰ্ডিক পাণ্ড্যা। ২০২০ চনত বিবাহপাশত আবদ্ধ হয় নাটাছা-হাৰ্ডিক। তাৰপাছত এটি পুত্ৰৰ পিতৃ-মাতৃ হয় দুয়ো। এইবাৰ শুনা গৈছে যে দম্পতীহালে আকৌ বিয়া পাতিবলৈ ওলাইছে। এবাৰ বিয়া পাতি হেপাহ নপলালে দম্পতীহালৰ। এতিয়া পুনৰ বিয়া পাতিবলৈ উলাইছে।
দুয়োৰে মাজত প্ৰথম কথা-বতৰা হৈছিল মুম্বাইৰ এটা নাইট ক্লাবত। হাৰ্দিকে প্ৰথম দৃষ্টিতে নাটাছাৰ প্ৰেমত পৰিছিল। তাৰপাছতে দুয়োকে একেলগে দেখা গৈছিল। হাৰ্দিক-নাটাছাৰ ৰসায়ন চৰ্চিত হৈ পৰিছিল।
কেইদিনমানৰ পিছত হাৰ্দিক আৰু নাটাছাৰ পৰিয়াল দুটাই বিয়াৰ কথা পাতে। হাৰ্দিকে অধিক সময় নষ্ট কৰিব বিচৰা নাছিল। ২০২০ চনৰ ৩১ মে’ত খৰখেদাকৈ বিয়া পাতিলে এইগৰাকী ভাৰতীয় ক্ৰিকেট তাৰকাই। বিয়াৰ পিছত এফালে হাৰ্দিকৰ কেৰিয়াৰ উৰ্ধমুখী হৈ পৰিছিল, আনফালে পৰিয়াললৈ এটা সন্তান আহিছিল।
ইয়াৰ পিছত দম্পতীহাল পুত্ৰ অগস্ত্যক লৈ অধিক ব্যস্ত হৈ পৰিল। মুঠতে যোৱা তিনি বছৰত তেওঁলোকে নিজৰ বাবে বেছি সময় ৰাহি কৰিব পৰা নাছিল। সেয়ে এইবাৰ নাটাছাই পুনৰ বিয়াৰ অনুষ্ঠান সম্পন্ন কৰাৰ ইচ্ছা কৰিছে।
শুনা গৈছে যে প্ৰেমৰ দিন ১৪ ফেব্ৰুৱাৰীত ৰাজস্থানৰ উদয়পুৰত হাৰ্দিক-নাটাছাৰ বিবাহ অনুষ্ঠান অনুষ্ঠিত হ’ব। ১৩ ফেব্ৰুৱাৰীত মেহেন্দি, সংগীত আৰু ৰঙীন অনুষ্ঠান অনুষ্ঠিত হোৱাৰ কথা। ইতিমধ্যে নাটাছাই বিয়াৰ বাবে পোছাক বাছি লৈছে। বিশেষ দিনটোত পিন্ধিব বগা গাউন। এই মুহূৰ্তত উদয়পুৰত এই ৰাজকীয় বিয়াৰ শেষ মুহূৰ্তৰ প্ৰস্তুতি পূৰ্ণগতিত চলি আছে।
Continue Reading
