ডিজিটেল ডেস্ক: ভাৰতীয় মহিলা ক্ৰিকেট দলে আজি পাকিস্তানৰ বিৰুদ্ধে আইচিচি মহিলা টি-২০ বিশ্বকাপত জয়েৰে অভিযান আৰম্ভ কৰিছে৷ টি২০ বিশ্বকাপৰ প্ৰথমখন মেচত জয়লাভ কৰিলে ভাৰতে। জেমিমা ৰ'ড্ৰিগুৱেজ আৰু ৰিছা ঘোষৰ দুৰ্দান্ত বেটিঙৰ দ্বাৰা ভাৰতে পাকিস্তানক সাত উইকেটত পৰাস্ত কৰিছে।
পাকিস্তানে টছত জয়ী হৈ বেটিং কৰাৰ সিদ্ধান্ত লয়। চাৰিটা উইকেট হেৰুৱাই নিৰ্ধাৰিত বিশ অভাৰত সংগ্ৰহ কৰে ১৪৯ ৰান।
১৫০ ৰানৰ লক্ষ্য লৈ ভাৰতে সুন্দৰ আৰম্ভণি কৰে। প্ৰথম উইকেটৰ যুটিত সংগ্ৰহ হয় ৫.৩ অভাৰত ৩৮ ৰান।
তাৰপাছত সোনকালেই কেইবাটাও উইকেট পতন হ’লেও জেমিমা আৰু ৰিছাৰ বেটিঙৰ দ্বাৰা ভাৰতে এক অভাৰ বাকী থাকোতেই বিজয়লক্ষ্যত উপণীত হয়। জেমিমাই ৫৩ (৩৮) ৰাণ কৰাৰ বিপৰীতে ৰিছাই কৰে ৩১ (২০) ৰান।
Continue Reading
