ডিজিটেল ডেস্ক: ২মাহৰ ভিতৰত আমূলে পুনৰ বৃদ্ধি কৰিলে গাখীৰ পেকেটৰ দাম। কোম্পানীটোৱে ব্ৰেণ্ডটোৰ সকলো গাখীৰৰ পেকেটৰ দাম ২টকাকাকৈ বৃদ্ধি কৰিলে। উৎসৱৰ বতৰৰ মাজতে আজি পুৱাৰে পৰা কাৰ্যকৰী কৰা হৈছে নতুন গাখীৰৰ দাম।
উল্লেখযোগ্য যে আমূল গাখীৰৰ ১ লিটাৰ সম্পূৰ্ণ ক্ৰীম গাখীৰৰ দাম এতিয়ালৈকে ৬১ টকা আছিল, যিটো এতিয়া ২ টকা বৃদ্ধি পাই ৬৩ টকা হৈছে। আমূলে অতি গোপনে এই দামবোৰ বঢ়াইছিল। ৰাতিপুৱা ওচৰৰ দোকানত উপস্থিত হোৱা মানুহৰ পৰা স্বাভাৱিক হাৰতকৈ ২ টকা বেছিকৈ বিচৰা হৈছিল।
উৎসৱ-পাৰ্বণৰ সময়ত গাখীৰৰ চাহিদা যথেষ্ট বৃদ্ধি পায়। এনে অৱস্থাত এতিয়া সাধাৰণ মানুহৰ ঘৰৰ বাজেট অৱনতি ঘটিবলৈ গৈ আছে। কাৰণ এতিয়া গাখীৰৰ হাৰ বৃদ্ধি হোৱাৰ লগে লগে গাখীৰৰ পৰা তৈয়াৰী মিঠাই আৰু অন্যান্য বস্তুৰ দামো বৃদ্ধি হ’ব পাৰে।
উল্লেখযোগ্য যে এইবাৰ আমূল কোম্পানীয়ে তৃতীয়বাৰৰ বাবে বৃদ্ধি কৰিছে গাখীৰৰ দাম। প্ৰথমবাৰৰ বাবে মাৰ্চ মাহত, দ্বিতীয়বাৰৰ বাবে ১৭ আগষ্টত আৰু এতিয়া পুনৰ দুমাহৰ ভিতৰত বৃদ্ধি কৰা হৈছে আমুল গাখীৰ পেকেটৰ দাম । যোৱা আগষ্ট মাহতো কোম্পানীটোৱে প্ৰতি লিটাৰ গাখীৰৰ পেকেটত ২ টকাকৈ বৃদ্ধি কৰিছিল।
এতিয়ালৈকে ১ লিটাৰ ফুল ক্ৰীম গাখীৰ আছিল ৬১ টকা, যাৰ দাম এতিয়া ৬৩ টকালৈ বৃদ্ধি পাইছে। একে সময়তে এতিয়ালৈকে প্ৰতি লিটাৰত ৫১ টকাত বিক্ৰী হৈ থকা গাখীৰ এতিয়া ৫৩ টকাত পৰিণত হৈছে। ইয়াৰ উপৰিও প্ৰতি লিটাৰত ৪৫ টকাত বিক্ৰী হোৱা ডাবল টন গাখীৰ এতিয়া ৪৭ টকাৰ হাৰত উপলব্ধ হ’ব।
Continue Reading
