ডিজিটেল ডেস্কঃ আকৰ্ষণীয় হৈ পৰিছে এছেজৰ দ্বিতীয়খন মেচ। অষ্ট্ৰেলিয়াৰ পাছত এইবাৰ ইংলেণ্ডেও আৰম্ভ কৰিছে বেটিং বিক্ৰম। বাতৰি লিখাৰ পৰলৈকে ইংলেণ্ডে প্ৰথম ইনিংছত সংগ্ৰহ কৰিছে ৫২ অভাৰত ২৫১ ৰাণ। হেৰুৱাইছে ৪ টা উইকেট।
ইয়াৰ পূৰ্বে অষ্ট্ৰেলিয়াই ৪১৬ ৰাণত প্ৰথম ইনিংছ সামৰে। আটাইকেওটা উইকেটৰ পতন হয়। দূৰ্দান্ত শতক অৰ্জন কৰে ষ্টিভ স্মিথে। তেওঁ কৰে ১১০ ৰাণ। ট্ৰেভিছ হেডে ৭৭ আৰু ডেভিড ৱাৰ্ণাৰে কৰে ৬৬ ৰাণ। শেষৰ ফালে পেট কামিন্সে ২২ ৰাণৰ বৰঙণি আগবঢ়ায়।
ইংলেণ্ডৰ হৈ জ’ছ টংগ আৰু অলি ৰবিনছনে সংগ্ৰহ কৰে দুটাকৈ উইকেট। আনহাতে দূৰ্দান্ত অলৰাউণ্ডাৰ ৰূপত অৱতীৰ্ণ হোৱা জ’ ৰুটে সংগ্ৰহ কৰে দুটাকৈ উইকেট। একেটা অভাৰতে তেওঁ ট্ৰেভিছ হেড আৰু কেমেৰণ গ্ৰীনক আউট কৰি চমক সৃষ্টি কৰে।
প্ৰত্যুত্তৰত ইংলেণ্ডেও দূৰ্দান্ত ৰূপত ইনিংছ আৰম্ভণি কৰে। জ’ ৰূটৰ বাদে বাকী কেওজন বেটাৰেই সুন্দৰ প্ৰদৰ্শন কৰে। অপেনাৰদ্বয় বেন ডাকেটে ৯৮ আৰু জেক ক্ৰাউলীয়ে ৪৮ ৰাণ সংগ্ৰহ কৰে। অলি পপে ৪২ ৰাণ সংগ্ৰহ কৰাৰ বিপৰীতে বাতৰি লিখাৰ পৰলৈকে হেৰী ব্ৰুক (২৬) আৰু বেন ষ্ট’কছ (৯) অপৰাজীত হৈ আছে।
Continue Reading
