ডিজিটেল ডেস্কঃ দেওবাৰে এছিয়া কাপৰ ফাইনেলত ধুমুহাৰ গতিৰে নিজৰ মাটিতেই ভাৰতীয় ক্ৰিকেট দলটোৱে শ্ৰীলংকাক ধৰাশায়ী কৰাৰ কথাটোকলৈ দেশৰ সকলোৱে আনন্দ কৰিছে।ছিৰাজে দেওবাৰে বলৰ যাদুৰে শ্ৰীলংকাক নিঃশেষ কৰি দিয়ে। ভাৰত-শ্ৰীলংকাৰ খেল খনত মুহূৰ্তৰ ভিতৰতে নায়ক হৈ পৰে মহম্মদ ছিৰাজ। তেওঁৰ এনে দক্ষতাই ক্ৰিকেট অনুৰাগীসকলৰ মনতো এটা প্ৰভাৱ পেলাইছে। সকলোৱে তেওঁক প্ৰশংসা কৰিছে।
কিন্তু বলীউডৰ এগৰাকী অভিনেত্ৰী যেন ছিৰাজৰ এনে সাফল্যত সুখী নহয়!এছিয়া কাপৰ ফাইনেলত মহম্মদ চিৰাজে ৬ টা উইকেট দখল কৰিছে। দেওবাৰে শ্ৰীলংকাক মাত্ৰ ১৫.২ অভাৰত সম্পূৰ্ণ ৰূপে বিধ্বস্ত কৰি ভাৰত বিজয়ী হয়।শ্ৰীলংকাৰ দলটোৱে মাত্ৰ ৫০ ৰানহে কৰিবলৈ সক্ষম হয়। সমগ্ৰ দেশে ছিৰাজৰ কৃতিত্বক লৈ উৎসাহিত, কিন্তু বলীউডৰ অভিনেত্ৰী শ্ৰদ্ধা কাপুৰ এইক্ষেত্ৰত যেন ব্যতিক্ৰম।
শ্ৰদ্ধা কাপুৰৰ ছিৰাজৰ ওপৰত খং উঠিছে। কিয়নো অভিনেত্ৰীগৰাকীয়ে সামাজিক মাধ্যমত নিজৰ খং প্ৰকাশ কৰিছে। ছিৰাজৰ সাফল্যত যেন বলীউডৰ অভিনেত্ৰীগৰাকী মুঠেও সুখী নহয়। শ্ৰদ্ধাই দেওবাৰে এছিয়া কাপৰ ফাইনেল চাবলৈয়েই আন কোনো ধৰণৰ কাৰ্যসূচী ৰখা নাছিল। গোটেই সময় খিনি তেওঁ ভাৰত-শ্ৰীলংকাৰ খেল চোৱাৰ হেঁপাহ কৰিছিল। তেওঁ খেলখনৰ সৈতে সময় কটাবলৈ বিচাৰিছিল, সেয়া উপভোগ কৰিবলৈ বিচাৰিছিল।
কিন্তু সকলো আশা আৰু হেঁপাহত যেন চেঁচাপানী ঢালিলে ছিৰাজে। ছিৰাজে ইমান সোনকালে শ্ৰীলংকাৰ উইকেট পতন ঘটালে যে খেল খন আৰু চাবলগীয়া হৈ নাথাকিল। নাথাকিল কোনো উত্তেজনা। সেই কথাতেই বিৰক্ত হৈছে শ্ৰদ্ধা কাপুৰ। সেয়ে ছিৰাজৰ ওপৰত তেওঁৰ খং উঠিছে। অৱশ্যে এনেদৰে খং প্ৰকাশৰ মাধ্যমেৰে আওপাকে অভিনেত্ৰীগৰাকীয়ে ছিৰাজৰ দক্ষতাক প্ৰশংসাও কৰিছে।
শ্ৰদ্ধা কাপুৰে ছ'চিয়েল মিডিয়াত লিখিছিল, "ছিৰাজক সোধক আজৰি সময়খিনি কেনেদৰে কটাব লাগিব।’’ শ্ৰদ্ধাই অৱশ্যে দেখুওৱা খং মৰমৰেই বহিঃপ্ৰকাশ বুলি বহুতে কৈছে।
ইপিনে বলীউডৰ আন এগৰাকী অভিনেত্ৰীয়ে ছিৰাজক প্ৰশংসা কৰিছে। তেওঁ ভাৰতীয় দলৰ সৈতেও অতি ঘনিষ্ঠ। তেওঁ হৈছে অনুষ্কা শৰ্মা। অনুষ্কাই লিখিছে " এয়া সকলো যাদু।’’
