ডিজিটেল ডেস্কঃ এছিয়া কাপ ২০২৩ সন্দৰ্ভত এতিয়াও একো পৰিষ্কাৰ হোৱা নাই। এনে পৰিস্থিতিত পাকিস্তান ক্ৰিকেট ব’ৰ্ড (পিচিবি)ৰ বাবে এইবাৰ অনুষ্ঠিত হ’বলগীয়া এছিয়া কাপ বাতিল হোৱাৰ সম্ভাৱনা থকাৰ বাবে ভাৰতীয় ক্ৰিকেট নিয়ন্ত্ৰণ ব’ৰ্ডে পাঁচখন দেশৰ মাজত এখন প্ৰতিযোগিতা অনুষ্ঠিত কৰাৰ পৰিকল্পনা কৰা বুলি জানিব পৰা গৈছে। এই প্ৰতিযোগিতাখন আয়োজন কৰাৰ স্থিতি অক্ষুণ্ণ ৰাখিছে দেশে।
বিচিচিআইয়ে যোৱা বছৰৰ অক্টোবৰ মাহত ঘোষণা কৰিছিল যে ভাৰতীয় দলটোৱে এছিয়া কাপ ২০২৩ৰ বাবে পাকিস্তান ভ্ৰমণ নকৰে। ইয়াৰ লগতে প্ৰতিযোগিতাখন কোনো নিৰপেক্ষ স্থানলৈ স্থানান্তৰ কৰা হ’ব বুলিও কোৱা হৈছিল। ইয়াৰ পূৰ্বে ২০১৮ চনত এছিয়া কাপ ভাৰতে আয়োজন কৰিছিল যদিও কিছু কাৰণত এই প্ৰতিযোগিতাখন ইউ এ ইত আয়োজন কৰা হৈছিল।
পাকিস্তান ক্ৰিকেট ব’ৰ্ডে নিজৰ দেশতে প্ৰতিযোগিতাখন সম্পন্ন কৰাৰ স্থিতি দৃঢ়। এই কথা দেখি প্ৰতিযোগিতাখন (এছিয়া কাপ ২০২৩) বাতিল হোৱাৰ সম্ভাৱনা আছে আৰু ইয়াৰ পৰিপ্ৰেক্ষিতত বিভিন্ন প্ৰতিবেদনত দাবী কৰা হৈছে যে বিচিচিআইয়ে পাঁচখন দেশৰ প্ৰতিযোগিতাখনৰ বাবে প্ৰস্তুতি চলাইছে,অৱশ্যে এই সন্দৰ্ভত আনুষ্ঠানিকভাৱে বিচিচিআইয়ে কোনো কথা স্পষ্ট কৰা হোৱা নাই।
Continue Reading
