ডিজিটেল ডেস্কঃ য়শস্বী জয়ছোৱাল। ৰাজস্থান ৰয়েলছৰ দূৰ্দান্ত অপেনিং বেটাৰ। আই পি এলত সুন্দৰ প্ৰদৰ্শন কৰি আহিছে জয়ছোৱালে। তাৰমাজতে এইবাৰৰ আইপিএলত তৃতীয় শতক অৰ্জন কৰে বেটাৰগৰাকীয়ে।
মুম্বাই ইণ্ডিয়ানছৰ বিৰুদ্ধে চলা খেলখনত শতক অৰ্জন কৰে জয়ছৱালে। মুম্বাইৰ ৱানখেডেৰ এই শতকটোৰ পূৰ্বে এইবাৰৰ আই পি এলত হেৰী ব্ৰুক আৰু বেংকটেশ আয়াৰে শতক অৰ্জন কৰিছিল।
উল্লেখ্য যে এইখন মেচ আছিল আই পি এলৰ ১০০০তম মেচ। তাক স্মৰণীয় কৰি তুলিলে জয়ছোৱালে। দেওবাৰে মুম্বাই ইণ্ডিয়ানছৰ বিৰুদ্ধে ইনিংছ মুকলি কৰিবলৈ অন্তিম অভাৰলৈকে থাকে ২১ বছৰীয়া অপেনাৰগৰাকী।
২০২০ চনত যসাশৱীয়ে ১৯ বছৰ অনুৰ্ধ বিশ্বকাপত ভাৰতৰ হৈ খেলি থাকোঁতেই দৃষ্টি আকৰ্ষণ কৰিছিল। উত্তৰ প্ৰদেশত জন্ম হ’লেও তেওঁ মুম্বাইত ক্ৰিকেটৰ প্ৰশিক্ষণ লৈছিল। সেই দলৰ হৈ ঘৰুৱা ক্ৰিকেট খেলিছিল। ইয়াৰ পূৰ্বে আই পি এলত ৩৫টা ইনিংছ খেলিছে। এইবাৰ প্ৰথমবাৰৰ বাবে শতক অৰ্জন কৰে।
৬২টা বলত ১২৪ ৰান সংগ্ৰহ কৰে ইয়াছাছৱীয়ে। দূৰ্দান্ত ইনিংছটো সজায় ১৬টা চাৰি আৰু ৮টা ছয়েৰে। অৱশেষত ১৯ অভাৰৰ চতুৰ্থটো বলত আৰ্শ্বদ খানৰ বলত আউট বেটাৰগৰাকী।
নিৰ্ধাৰিত অভাৰত ৭টা উইকেট হেৰুৱাই ৰাজস্থান ৰয়েলছে সংগ্ৰহ কৰে ২১২ ৰাণ। জয়ছোৱালৰ বাদে আন কোনো বেটাৰে দীঘলিয়া ইনিংছ খেলিবলৈ সক্ষম নহ’ল।
Continue Reading
