এদিনীয়া বিশ্বকাপৰ বাবে ঘোষণা কৰা হ’ল ভাৰতীয় দল; স্থান নাপালে শিখৰ ধাৱন,যুজবেন্দ্ৰ চাহালে

ডিজিটেল ডেস্কঃ সমুখত এদিনীয়া বিশ্বকাপ৷এদিনীয়া বিশ্বকাপ '২৩ৰ বাবে ১৫ জনীয়া ভাৰতীয় দল ঘোষণা কৰা হৈছে। সংবাদমেলৰ জৰিয়তে মুখ্য নিৰ্বাচক অজিত আগৰকাৰ আৰু ভাৰতীয় অধিনায়ক ৰোহিত শৰ্মাই দলটোৰ কথা ঘোষণা কৰে। বিশ্বৰ বাবে দলটোৰ কম্বিনেচন যথেষ্ট আকৰ্ষণীয় কৰি ৰখা হৈছে। দলটোত - ৫ জন বেটছমেন, ৩ জন তিনিজন অল ৰাউণ্ডাৰ, ২ জন উইকেটকীপাৰ, ৪ জন বেষ্ট বলাৰ আৰু ১ জন স্পিনাৰ বাছনি কৰা হয়।

দলৰ মূল বেটছমেনৰ ভিতৰত অধিনায়ক ৰোহিত শৰ্মা নিজেই প্ৰথম স্থানত আছে। ইয়াৰ পাছত বিৰাট কোহলী অভিজ্ঞ বেটছমেন হিচাপে দলত স্থান লাভ কৰিছে। তাৰ পাছতে দেখা যাব যুৱ বেটছমেন শুভমন গীলক। ইয়াৰ পাছত শ্ৰেয়স আয়াৰক মিডল অৰ্ডাৰ বেটছমেন হিচাপে নিৰ্বাচিত কৰা হয়। একে সময়তে পঞ্চম স্থানত বেটছমেন হিচাপে দলত থাকিব সূৰ্যকুমাৰ যাদৱ।

কে এল ৰাহুল আৰু ঈশান কিষাণক উইকেটকিপাৰ বেটছমেন্ হিচাপে সুযোগ দিয়া হৈছে। উইকেটকীপাৰ হিচাপে দলৰ প্ৰথম পছন্দ হ’ব ৰাহুল। একে সময়তে ঈশানক বেকআপ কিপাৰ হিচাপে ৰখা হৈছে।

দলৰ সহ-অধিনায়ক হাৰ্দিক পাণ্ডিয়াক অল ৰাউণ্ডাৰ হিচাপে অন্তৰ্ভুক্ত কৰা হৈছে। ইয়াৰ উপৰিও অভিজ্ঞ স্পিন অলৰাউণ্ডাৰ ৰবীন্দ্ৰ জাডেজাও দলটোৰ অংশ। একে সময়তে অক্ষৰ পেটেলক দলত ৰখা হৈছে।দলটোত মাত্ৰ এজন মূল স্পিনাৰ কুলদীপ যাদৱকহে সুযোগ দিয়া হৈছে যদিও ৰবীন্দ্ৰ জাদেজা আৰু অক্ষৰ পেটেলক স্পিনাৰ হিচাপে দেখা যাব।বিশ্বকাপৰ বাবে ৪ গৰাকী বেগী বলাৰক দলত অন্তৰ্ভুক্ত কৰা হৈছে। য’ত আছে যশপ্ৰীত বুমৰাহ, মহম্মদ ছামি, মহম্মদ ছিৰাজ আৰু শ্বাৰদুল ঠাকুৰ।