ডিজিটেল ডেস্কঃ ঈদৰ উৎযাপনৰ মাজতে বাংলাদেশৰ পৰা আহিছে এক দুঃখবৰ৷বাংলাদেশৰ ৰাজধানী ঢাকাৰ পৰা আহি থকা পদ্ম ট্ৰেভেলছৰ যাত্ৰীবাহী বাছ দুৰ্ঘটনাত পতিত হৈ ৮ জন লোকৰ মৃত্যু হৈছে। ইয়াৰে ২ জন লোকৰ থিতাতে মৃত্যু হোৱাৰ বিপৰীতে ৬ জন লোকক চিকিৎসালয়লৈ যোৱাৰ পথত মৃত্যু হয়।
বৃহস্পতিবাৰে পুৱা ৮:৪৫ বজাত মুনছিগঞ্জৰ শ্ৰীনগৰ অঞ্চলত এখন বাছে পথৰ কাষত ৰখাই থোৱা এখন ভঙা ট্ৰাকৰ সংঘৰ্ষত এই ঘটনা সংঘটিত হয়। বাছখনৰ যাত্ৰীসকলৰ মতে, এই পৰ্যন্ত মৃত্যু হৈছে ৮জন লোকৰ। বাছখন ঘাইপথত প্ৰৱেশ কৰাৰ পিছতে বাছখনে বাছখনে গতি সীমা অতিক্ৰম কৰাৰ ফলত সংঘটিত হয় এই দুৰ্ঘটনা।
ঘাইপথ আৰক্ষী আৰু অগ্নিনিৰ্বাপক বাহিনীৰ সূত্ৰৰ পৰা জানিব পৰা মতে, যাত্ৰীবাহী বাছখনে পথৰ কাষত এখন ভঙা ট্ৰাকৰ সৈতে খুন্দা মৰাৰ ফলত দুৰ্ঘটনা সংঘটিত হয়। আহত আৰু নিহতসকলক বিভিন্ন চিকিৎসালয়লৈ লৈ যোৱা হৈছে।
Continue Reading
