ডিজিটেল ডেস্ক: আজিকালি বিশ্বৰ বেছিভাগ ঠাইতে মানৱতাৰ অন্ত পৰা দেখা গৈছে। বহু সময়ত এনে খবৰবোৰো চৰ্চালৈ আহে যেতিয়া মানুহে অলপ টকাৰ বিনিময়ত ইজনে সিজনক হত্যা কৰিবলৈও চিন্তা নকৰে। এনে পৰিস্থিতিত কিছুমান মানুহ ব্যতিক্ৰম হিচাপে আগবাঢ়ি আহে আৰু তেওঁলোকে মানুহক সহায় কৰে। যিবোৰ দেখি মানৱতা জীয়াই থকাৰ আভাস পোৱা যায়।
এই ভিডিঅ'টো ২০১৯ চনৰে। ভিডিঅ’টো দিল্লীত ৰেকৰ্ডিং কৰা হৈছিল। মূল পোষ্টটোৰ মতে, দিল্লীৰ ডি ডি ইউ হাস্পতাল,হৰি নগৰৰ পৰা এজন সংকটজনক ৰোগীক আৰএমএল হাস্পতাললৈ বদলি কৰি থকা অৱস্থাত এম্বুলেন্সখন মাজ বাটত বিকল হৈ পৰে। অৱশ্যে দুজন বাইকাৰৰ কৃপাত ৰোগীজনক চিকিৎসালয়লৈ লৈ যোৱা হয়।
শেহতীয়াকৈ এই পুৰণি ভিডিঅ'টো পুনৰ চৰ্চালৈ আহিছে, ভিডিঅটো দেখি এনে লাগে যে এয়া যেন উত্তম মানৰ "মানৱতা" জীয়াই ৰখাৰ প্ৰয়াস। ভিডিঅ’টো পুৰণি হ’লেও, ছ’চিয়েল মিডিয়াত প্ৰকাশ পোৱাৰ পাছত আকৌ এবাৰ ভাইৰেল হ’বলৈ আৰম্ভ কৰিছে, এই ভিডিঅ’টো ছ’চিয়েল মিডিয়াত শ্বেয়াৰ কৰি আইপিএছ বিষয়া দিপাংশু কবৰাই সকলোৰে দৃষ্টি আকৰ্ষণ কৰিছে ইয়াৰ প্ৰতি।
ভাইৰেল হোৱা ভিডিঅ’টোত গভীৰ নিশা পথত এখন এম্বুলেন্স দেখা গৈছে। কোন দুজন বাইক আৰোহীয়ে দ্ৰুতগতিত আগবাঢ়ি যোৱা দেখা গৈছে। এই কথা দেখি অনুমান কৰিব পাৰি যে বাইক আৰোহীয়ে গভীৰ নিশা এম্বুলেন্সখন বেয়া হোৱাৰ সময়ত উপস্থিত ৰোগীজনৰ জীৱন ৰক্ষাৰ বাবে এনে পদক্ষেপ লৈছে।
ভিডিঅ’টো শ্বেয়াৰ কৰাৰ সময়ত আইপিএছ বিষয়া দিপাংশু কাবৰাই কেপচনত লিখিছে, ‘ৰোগীজনক আন এখন চিকিৎসালয়লৈ স্থানান্তৰিত কৰি থাকোঁতে গভীৰ নিশা এম্বুলেন্সখন বিকল হৈ পৰে। কাষেৰে পাৰ হৈ যোৱা দুজন বাইকাৰে এঞ্জেলৰ দৰে আহি এম্বুলেন্সখনক এইদৰে প্ৰায় ১২ কিলোমিটাৰ ঠেলি সহায় কৰিলে।' ছ’চিয়েল মিডিয়াত ভিডিঅ’টো ওলোৱাৰ লগে লগে সকলোৰে হৃদয় জয় কৰিলে। একে সময়তে সকলোৱে এই ভিডিঅ'টো শ্বেয়াৰ কৰা দেখা গৈছে। ভিডিঅ’টোৱে ছ’চিয়েল মিডিয়াত ৭২ হাজাৰতকৈ অধিক ভিউ লাভ কৰিছে।
Continue Reading
