ডিজিটেল ডেস্কঃ নাম সলনি কৰি প্ৰতাৰণা কৰা এজন যুৱকক গ্ৰেপ্তাৰ কৰিছে মধ্যপ্ৰদেশৰ ছিণ্ডৱাৰা আৰক্ষীয়ে। আয়ুৰ্বেদিক চিকিৎসা আৰু তন্ত্ৰ মন্ত্ৰৰ নামত যুৱকজনে মানুহক ঠগি খাইছিল। তেওঁ মানুহক সহায় কৰাৰ অজুহাতত গহনা আৰু টকা লৈ পলাইছিল। যুৱকজনৰ নাম ইমৰান খান। তেওঁ কমলেশ শাস্ত্ৰী নাম লৈ ৰাইজক প্ৰতাৰণা কৰিছিল।
তেওঁৰ এখন আয়ুৰ্বেদ চিকিৎসাৰ দোকান আছে। তাত তন্ত্ৰ-মন্ত্ৰৰ জৰিয়তে জনসাধাৰণৰ প্ৰতিটো ইচ্ছা পূৰণ কৰা বুলি দাবী কৰা হৈছিল। দুজন ভুক্তভোগীৰ পৰা আৰক্ষীয়ে কমলেশ শাস্ত্ৰীয়ে প্ৰতাৰণা কৰাৰ অভিযোগ লাভ কৰে। ইয়াৰ পিছতে আৰক্ষীয়ে গোচৰ ৰুজু কৰি অভিযুক্ত কমলেশক গ্ৰেপ্তাৰ কৰি জেৰা কৰে।
আৰক্ষীৰ মতে, বিষু নগৰৰ নিবাসী নম্ৰতা চাহু আৰু কোলাধনা বাসিন্দা হৰিয়ম ভয়ৰৰ এজাহাৰৰ ভিত্তিত আয়ুৰ্বেদৰ দোকানীজনক গ্ৰেপ্তাৰ কৰা হয়। জেৰাৰ সময়ত তেওঁ কয় যে তেওঁৰ নাম ইমৰান খান আৰু তেওঁ উত্তৰ প্ৰদেশৰ গাজিয়াবাদৰ বাসিন্দা। তেওঁ বিষু নগৰত এখন ভুৱা ঔষধৰ দোকান খুলিছিল। ইয়াত তেওঁ চিকিৎসাৰ নামত মানুহক ঠগিছিল।
তেওঁ কমলেশ শাস্ত্ৰী নামেৰে চিণ্ডৱাৰাত বাস কৰিছিল। তন্ত্ৰ-মন্ত্ৰৰ জৰিয়তে জনসাধাৰণৰ প্ৰতিটো ইচ্ছা পূৰণ কৰা বুলি দাবী কৰিছিল আৰু গহনা লুটি প্ৰতাৰণা কৰিছিল। ইমৰান খানৰ বিৰুদ্ধে নম্ৰতা আৰু হৰিয়মৰ এজাহাৰত ৪১৯, ৪২০,৪২১ ধাৰাত গোচৰ ৰুজু কৰিছে আৰক্ষীয়ে।
এই গোচৰত ছিণ্ডৱাৰাৰ চি এছ পি অমন মিশ্ৰই কয় যে, "বুধবাৰে প্ৰতাৰণা কৰাৰ এজাহাৰ পোৱা যায়। ইয়াৰ পিছতে আৰক্ষীয়ে অভিযুক্তক গ্ৰেপ্তাৰ কৰি জেৰা কৰে। অভিযুক্তই কমলেশ শাস্ত্ৰীৰ নামত আয়ুৰ্বেদ চিকিৎসা কেন্দ্ৰ চলাই থকা বুলি কয়।" তেওঁ মানুহক প্ৰলোভিত কৰি সোণৰ অলংকাৰ, টকা আদি লুটিছিল।" উল্লেখ্য যে আৰক্ষীয়ে অভিযুক্তৰ পৰা কিছু অলংকাৰো উদ্ধাৰ কৰিছে।
Continue Reading
