ডিজিটেল ডেস্কঃ তৰল, গেছীয় বা কঠিন অৱস্থা নহয়, পদাৰ্থৰ চতুৰ্থ এটি অৱস্থা আছে, যাক প্লাজমা বুলি জনা যায়। প্লাজমাৰ পৰা পোৱা শক্তিৰ পৰিমাণ পদাৰ্থৰ আন তিনিটা অৱস্থাতকৈ বেছি। বিজ্ঞানীসকলৰ মতে এগিলাচ বিশুদ্ধ প্লাজমাত থকা শক্তিৰ পৰিমাণ ৯৮ কোৱাড্ৰিলিয়ন লিটাৰ বা ৯৮ কোটি লিটাৰ গেছলিনৰ সমান। কিন্তু এই পৰিমাণৰ বিশুদ্ধ প্লাজমা উৎপাদন কৰাটো অতি কঠিন আৰু জটিল প্ৰক্ৰিয়া।
গৱেষকসকলে দাবী কৰিছে যে এগিলাচ প্লাজমাৰ শক্তি খৰচ কৰি সমগ্ৰ সৌৰজগতখনক এবাৰ ঘূৰিব পাৰি। আনকি ১৪৩ কুইণ্টল ৱাটৰ লাইট বাল্ব এটা গ্লাছত ভৰোৱাৰ পৰিমাণৰ প্লাজমা ব্যৱহাৰ কৰি এবছৰৰ বাবে জ্বলাব পাৰি।
পদাৰ্থৰ চতুৰ্থ অৱস্থাটো কেনেকৈ সৃষ্টি কৰা হয়? কোনো গেছীয় পদাৰ্থ উচ্চ উষ্ণতাত ৰাখিলে পৰমাণুৰ পৰা ইলেক্ট্ৰন পৃথক হয়। পদাৰ্থৰ চতুৰ্থ অৱস্থাটো হ’ল ইলেক্ট্ৰনবোৰ পৃথক হোৱাৰ পিছত উত্তাপিত গেছীয় অণুবোৰত কি থাকি যায়।
সূৰ্যৰ পৰা ছশ কিলোমিটাৰৰ ভিতৰত এটা প্লাজমা অৱস্থাৰ অস্তিত্ব জনা যায়। তাত উষ্ণতা ডেৰ লাখ ডিগ্ৰী চেলছিয়াছ হোৱাৰ বাবে প্লাজমা সহজেই গঠন হয়। সূৰ্য্যৰ ভিতৰত পৰমাণুৰ সংঘৰ্ষৰ ফলত পাৰমাণৱিক সংযোজন হয়। এই প্ৰক্ৰিয়াৰ জৰিয়তে ইয়াৰ ভিতৰত প্লাজমা গঠন হয়।
উত্তৰ আৰু দক্ষিণ মেৰুত নিশাৰ আকাশত দেখা পোৱা অৰোৰা বা পোহৰ আচলতে পদাৰ্থৰ প্লাজমা অৱস্থা। বজ্ৰপাতৰ সময়ত পোহৰৰ জিলিকনি হওক বা ৰাতিৰ আকাশত থকা তৰাবোৰেই হওক— সকলোবোৰ আচলতে প্লাজমা, পদাৰ্থৰ চতুৰ্থ অৱস্থা।
পৃথিৱীৰ পৃষ্ঠভাগ আয়নমণ্ডলত প্লাজমা উপস্থিত থাকে। চুম্বকমণ্ডলতো প্লাজমা থাকে। প্ৰবল বিদ্যুৎচুম্বকীয় ক্ষেত্ৰত সাধাৰণ গেছক উচ্চ উষ্ণতালৈ গৰম কৰি কৃত্ৰিমভাৱে প্লাজমা উৎপাদন কৰা হয়।
আধুনিক যুগত কৃত্ৰিম প্লাজমা বহুলভাৱে ব্যৱহাৰ কৰা হয়। টেলিভিছনৰ পৰ্দাত প্লাজমা প্ৰদৰ্শন তৈয়াৰ কৰাত কৃত্ৰিম প্লাজমা ব্যৱহাৰ কৰা হয়। কৃত্ৰিম প্লাজমা ফ্লু’ৰেচেণ্ট লেম্প, আয়ন ইঞ্জিন, লেজাৰ উৎপাদিত প্লাজমা (LPP) তৈয়াৰ কৰাত ব্যৱহাৰ কৰা হয়।
গৱেষণা আৰু প্ৰযুক্তিবিদ্যাতো কৃত্ৰিম প্লাজমা ব্যৱহাৰ কৰা হয়। মহাকাশ অভিযান্ত্ৰিকীত কৃত্ৰিম প্লাজমা ব্যৱহাৰ কৰা হয়। কঠিন ধাতুৰ শ্বীট কাটিবলৈ, প্লাজমা স্প্ৰে’ৰ দ্বাৰা নতুন আৱৰণ, মাইক্ৰ’ইলেক্ট্ৰনিক্সতো কৃত্ৰিম প্লাজমা ব্যৱহাৰ কৰা হয়।
Continue Reading
