ডিজিটেল ডেস্ক: দিল্লীৰ এখন আদালতে শনিবাৰে আপ নেতা মনীষ চিছোদিয়াৰ ন্যায়িক জিম্মাৰ ম্যাদ ২৮ মে’লৈ বৃদ্ধি কৰিছে।
ন্যায়িক জিম্মাৰ ম্যাদ উকলি যোৱাৰ বাবে আদালতত হাজিৰ কৰোৱা ছিচোদিয়াই সংবাদ মাধ্যমৰ আগত কয় যে প্ৰধানমন্ত্ৰী মোদীয়ে দিল্লীত অৰবিন্দ কেজৰিৱালৰ কাম বন্ধ কৰাব নোৱাৰিব।
আদালতে শুকুৰবাৰে ছিচোদিয়াৰ জামিন আবেদন খাৰিজ কৰি কয়, অৰ্থনৈতিক অপৰাধৰ গোচৰটোৱে সাধাৰণ জনতা আৰু সমাজৰ ওপৰত প্ৰতিক্ৰিয়াৰ সৃষ্টি কৰিছে৷
প্ৰৱৰ্তন সঞ্চালকালয়ে (ইডি) ৯ মাৰ্চত দিল্লীৰ প্ৰাক্তন উপ-মুখ্যমন্ত্ৰী মনীষ ছিচোদিয়াক সুৰা নীতিৰ গোচৰত গ্ৰেপ্তাৰ কৰিছিল।
ছিচোদিয়াক চিবিআইয়ে ইয়াৰ পূৰ্বে দিল্লীৰ ৰাষ্ট্ৰীয় ৰাজধানী অঞ্চলৰ (জিএনচিটিডি) আবকাৰী নীতি প্ৰস্তুত আৰু ৰূপায়ণত অনিয়মৰ অভিযোগৰ তদন্তত গ্ৰেপ্তাৰ কৰিছিল। তেওঁ বৰ্তমান দুয়োটা গোচৰতে ন্যায়িক জিম্মাত আছে।
Continue Reading
