ডিজিটেল ডেস্কঃ বেছিভাগ মানুহেই ৰন্ধা-বঢ়াত পিঁয়াজ ব্যৱহাৰ কৰে। আমি সকলোৱে দালি আৰু শাক-পাচলিত পিয়াঁজ ব্যৱহাৰ কৰো।পিঁয়াজে কেৱল খাদ্যৰ সোৱাদ বৃদ্ধি কৰাই নহয়, বৰঞ্চ ই স্বাস্থ্যৰ বাবেও উপকাৰী। ইয়াৰ ব্যৱহাৰৰ দ্বাৰা বহুতো গুৰুতৰ ৰোগৰ পৰা হাত সাৰিব পাৰি। কিন্তু আপুনি জানেনে যে পিঁয়াজ চুলিৰ বাবেও অতি উপকাৰী বুলি গণ্য কৰা হয়। হয়, পিঁয়াজ ব্যৱহাৰ কৰি আপুনি চুলিৰ লগত জড়িত সকলো সমস্যাৰ পৰা মুক্তি পাব পাৰে। যিবোৰ চুলিৰ বাবে অতি উপকাৰী বুলি গণ্য কৰা হয়। পিয়াঁজতো এন্টি-বেক্টেৰিয়েল গুণ থাকে। যিবোৰে উফি আঁতৰোৱাত সহায় কৰে। পিঁয়াজত থকা চালফাৰে চুলি ডাঠ আৰু ঘন কৰি তোলাৰ কাম কৰে। আমি ইয়াত ক'ম চুলিত পিঁয়াজ লগালে কি কি উপকাৰ হয়?
এই ধৰণে চুলিত পিঁয়াজ লগাব-
পিঁয়াজৰ ৰসঃ পিঁয়াজৰ ৰস চুলিত লগাব পাৰি। এই পিঁয়াজৰ ৰস আপুনি ঘৰতে বনাব পাৰে। ইয়াৰ বাবে ২ টা পিঁয়াজৰ বাকলি গুচাই লওক। এতিয়া ইয়াক কুটি তাৰ ৰস উলিয়াই লওক। এতিয়া পিঁয়াজৰ ৰস পোনে পোনে মূৰৰ ছাল আৰু চুলিত লগাওক। এতিয়া চুলিখিনি লঘু হাতেৰে মালিচ কৰক আৰু তাৰ পিছত শ্বাৱাৰ কেপেৰে ঢাকি দিয়ক। প্ৰায় এঘণ্টাৰ পিছত মৃদু শ্বেম্পুৰে চুলি ধুব।চুলিত পিঁয়াজৰ ৰস লগালে চুলি সৰা বন্ধ হৈ যাব আৰু চুলি সোনকালে বাঢ়িব।
পিঁয়াজৰ চুলিৰ মাস্কঃ চুলিত পিঁয়াজ আৰু এলোভেৰা হেয়াৰ মাস্ক লগাব পাৰে। ইয়াৰ বাবে পিঁয়াজ এটা কাটি কুটি লওক। এতিয়া ষ্ট্ৰেনাৰ বা কপাহী কাপোৰেৰে ফিল্টাৰ কৰি পিঁয়াজৰ ৰস পৃথক কৰি লওক। পিঁয়াজৰ ৰসত ২ চামুচ এলোভেৰা জেল মিহলাই লওক। ইচ্ছা কৰিলে তাত চাহ গছৰ তেল ৩ টোপাল দিব পাৰে। এনে কৰিলে পিঁয়াজৰ গোন্ধ নাইকিয়া হৈ যাব। চুলিয়ে বহুত উপকাৰ পাব। এই সকলোবোৰ ভালকৈ মিহলাই লোৱাৰ পিছত মূৰৰ ছাল আৰু চুলিত লগাব।
Continue Reading
