এই লক্ষণবোৰ কেইমাহমান ধৰি যদি শৰীৰত দেখা দিয়ে, তেন্তে আওকাণ নকৰি চিকিৎসকৰ কাষ চপা উচিত, জানো আহক কি কি?

ডিজিটেল ডেস্ক : যকৃৎ আমাৰ শৰীৰৰ আটাইতকৈ গুৰুত্বপূৰ্ণ অংগ। এজন ব্যক্তিৰ স্বাস্থ্য যকৃতৰ ওপৰত বহুখিনি নিৰ্ভৰ কৰে। যদি লিভাৰে সঠিকভাৱে কাম কৰি আছে, তেন্তে বুজিব যে কোনো ৰোগে সহজে আপোনাক স্পৰ্শ কৰিব নোৱাৰে, কিন্তু যদি লিভাৰত কোনো সমস্যা হয়, তেন্তে আপোনাৰ বহুতো ৰোগ হ’ব পাৰে। বহু গৱেষণাত এই কথাও প্ৰকাশ পাইছে যে লিভাৰত হোৱা সমস্যাই হৃদৰোগৰ কাৰণ হ’ব পাৰে। সেয়েহে যকৃতৰ লগত জড়িত কেইটামান লক্ষণৰ বিষয়ে জানো আহক।

 ‘Frontiers in Cardiovascular Medicine’ নামৰ আলোচনীখনত প্ৰকাশিত এক প্ৰতিবেদন অনুসৰি হৃদৰোগ আৰু যকৃতৰ ৰোগৰ মাজত এক শক্তিশালী সম্পৰ্ক আছে। যকৃতৰ সম্পূৰ্ণ ক্ষতি হ’বলৈ কেইবাবছৰো সময় লাগিব পাৰে, কিন্তু যদি হঠাতে কোনো লক্ষণ নোহোৱাকৈ আপুনি গম পাইছে যে যকৃৎ অসুস্থ, তেন্তে ইয়াৰ আটাইতকৈ ডাঙৰ কাৰণ হ’ব পাৰে আপুনি নিয়মিতভাৱে কৰা কিছুমান ঔষধো হ’ব পাৰে।

 যকৃতৰ ক্ষতি সাধাৰণতে দুই প্ৰকাৰে হয়-

* সূক্ষ্মঃ-যদি আপোনাৰ লিভাৰ কোনো লক্ষণ নথকাকৈ ক্ষতিগ্ৰস্ত হয়, তেন্তে ইয়াৰ এটা কাৰণ হ’ব পাৰে যে যিকোনো ঔষধৰ অত্যধিক সেৱনৰ ফলতো।

ক্ৰনিক টাইপ-ইয়াত যকৃতৰ ক্ৰমান্বয়ে অৱনতি ঘটে আৰু ই পাছলৈ লিভাৰ চিৰ’ছিছ হ’ব পাৰে। অত্যধিক মদ্যপান কৰাৰ ফলত এনে হ’ব পাৰে।

 যকৃতৰ ক্ষতিৰ প্ৰাৰম্ভিক লক্ষণ-

* সঘনাই বমি হোৱাঃ– যদি বাৰে বাৰে বমিৰ ভাব আহে, তেন্তে চিকিৎসকৰ কাষ চপা উচিত।

* ভোক কমি যোৱাঃ-যদি খাবলৈ মন নাযায়, তেন্তে আওকাণ নকৰি ততালিকে চিকিৎসকৰ পৰামৰ্শ ল’ব পাৰে।

* শৰীৰ হালধীয়া হোৱাঃ-যকৃতৰ অৱনতি হ’লে শৰীৰত তেজৰ অভাৱ হয় আৰু শেঁতা পৰে।

* ওজন হ্ৰাস পোৱাঃ-যকৃত বিকল হোৱাৰ বাবে হঠাতে ওজন কমিবলৈ আৰম্ভ কৰে। যদি আপুনিও আপোনাৰ শৰীৰত এই সকলোবোৰ লক্ষণ দেখা পায়, তেন্তে ভুলতো আওকাণ নকৰি চিকিৎসকৰ পৰামৰ্শ গ্ৰহণ কৰক।